Հայաստանը պետք է այնքան սպասի, մինչեւ ընտրություններն ավարտվեն եւ Նիկոլ Փաշինյանն իր ուսապարկերով գնա. Գորիսի քաղաքապետ
Սահմանին իրավիճակն այս պահին նույնն է, որեւէ դրական տեղաշարժ չկա. Թշնամին որտեղ առաջ է եկել, էլի նույն տեղերում է գտնվում: Այս մասին, այսօր՝ հունիսի 8-ին, Գորիսում «Հայաստան» դաշինքի քարոզարշավը ժամանակ NEWS.am-ի հետ զրույցում նշեց Գորիսի քաղաքապետ Առուշ Առուշանյանը, ով ընդգրկված է «Հայաստան» դաշինքի ցուցակում:
«Հայաստանը պետք է այնքան սպասի, մինչեւ ընտրություններն ավարտվեն եւ Նիկոլ Փաշինյանն իր ուսապարկերով գնա: Մինչ այդ, համոզված եմ, որեւէ դրական տեղաշարժ չի լինելու, որովհետեւ կապ ունի, թե ով է այդ հարցով զբաղվի: Դուք տեսե՞լ եք, որ Նիկոլ Փաշինյանը որեւէ հարցի դրական լուծում տա: Այդ թիմը միշտ կարծիք է ունեցել, որ Արցախը բեռ է, միայն ահյրենիք չունեցող մարդը կարող է այդպես մտածել: Երկրորդ, Արցախը մեր դարպասն էր, եւ համոզված եմ, որ առաջիկա հաղթանակից հետո ամեն ինչ կբացահայտվի, թե ինչ պատճառներով այդ 10 հազար քմ-ն մ ենք կորցրեցինք: Վերջնական գնահատական կլինի»,-ասաց քաղաքապետը:
Հարցին, թե իր կարծիքով ում է հակված ընտրել Գորիսի ժողովուրդը, Առուշանյանը պատասխանեց. «Համոզված եմ, որ մեր ժողովուրդը իր վստահության բարձր քվեն կտա «Հայաստան» դաշինքին, որովհետեւ մեր աշխատանքը այս ընթացքում տեսել են: Բնականաբար, մարդիկ վստահում են մեզ, հետեւաբար կունենանք բարձր ցուցանիշներ:
Մարդիկ տեսել են ռոբերտ Քոչարյանի տարիների ռեֆորմները: գործարարներն ասում են՝ ով ինչի տեր դարձել ենք, դարձել ենք Քոչարյանի ժամանակ: Երկիրն ուժեղ էր: Ռոբերտ Քոչարյանի հանդեպ վստահությունը մեծ է: Ես երկրորդ տարբերակ չեմ տեսնում, որ որեւէ մեկը կարող է մեր ժողովրդին հանել այս վիճակից»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...