Լավ, մա՞րդ են դրանք, մարդկային որեւէ որակ կա՞ դրանց մեջ, սատանա չեն, բա ի՞նչ են. Սերժ Սարգսյան

Իմ 67 տարիների ընթացքում ամեն ինչ տեսել եմ՝ պատերազմ, ընկերների զոհվելու սահմռկեցուցիչ տեսարաններ, զրուցել 2-3 որդի կորցրած ծնողների հետ... և ինձ թվում էր, որ կորցրել եմ զարմանալու ու լացելու ունակությունս, բայց երեկվա լուսանկարները տեսնելուց հետո արյունս սառեց իմ երակներում,- Մասիսում հայտարարել է ՀՀ երրորդ նախագահ, ՀՀԿ նախագահ Սերժ Սարգսյանը՝ «Պատիվ ունեմ» դաշինքի համակիրների հետ հանդիպման ժամանակ՝ անդրադառնալով զոհված հայորդիների մարմինները Աբովյանի բժշկական կենտրոնի նկուղում պահելու հարցին։

«Լավ, մա՞րդ են դրանք, մարդկային որեւէ որակ կա՞ դրանց մեջ, ոնց կարելի է, ամենաթանկ բանը կյանքը տվել են այս երկրին՝ անասունները բերել են լցրել են..., սատանա չեն, բա ի՞նչ են»,- նշել է Սերժ Սարգսյանը։