Փաշինյանը վտանգավոր շանտաժի է ենթարկում Ռուսաստանին. Կարեն Քոչարյան
Ադրբեջանը հիմա Հայաստանի նկատմամբ լայնածավալ գործողություններ է փորձում իրականացնել, որովհետև 2018 թվականին ու դրանից հետո 2.5 տարի անընդհատ պառակտել է հայ ժողովրդին՝ հին ու նորով, դագաղներով, ատելությամբ ու սև-սպիտակով։
Ալիևը հիմա գնում է Հայաստանի տարածքային ամբողջականության խախտման ճանապարհով և խոսում է Սյունիքի, Սևանի մասին, ու թեև սրանց ի պատասխան՝ Նիկոլ Փաշինյանն ասում է, որ Հայաստան մտած ադրբեջանցի զինվորները պետք է հեռանան Հայաստանից, սակայն իրականությունը բոլորովին այլ է՝ սա ընդամենը խոսք է, 15 օր է, որևէ քայլ չի արվում, 250 զինվորն այսօր արդեն դարձել է 1000, մյուս կողմից՝ գուցե արվում է, և այդ քայլը «Էստի համեցեքն է»։
168 TV-ի «Ռեվյու» հաղորդաշարի եթերում, անդրադառնալով հայ-ադրբեջանական սահմանին ընթացող զարգացումներին ու դրանց ի պատասխան՝ իշխանության գործողություններին կամ անգործությանը, ասաց քաղտեխնոլոգ Կարեն Քոչարյանը։
Ոչինչ չանող իշխանությունն այսօր գնում է վտանգավոր զարգացումների, ասաց մեր զրուցակիցը՝ շարունակելով.
«Նոյեմբերի 9-ին, ժամը 6-ին Փաշինյանը գրառում կատարեց, որ Շուշիի համար մարտերը շարունակվում են, 3 ժամ անց ստորագրվեց կապիտուլյացիայի հայտարարությունը. նույնը հիմա է, և ամենևին չեմ բացառում, որ 2-րդ կապիտուլյացիան ստորագրի»,- ասաց Կարեն Քոչարյանը՝ ընդգծելով, որ Ռուսաստանին, ՀԱՊԿ-ին՝ զուգահեռաբար Փաշինյանը շանտաժի է ենթարկում։
«Փաշինյանը որևէ բան չի կարողանում անել, նրան մնացել է հոխորտալ ու շանտաժ անել։ Մի անգամ փորձեց Ռուսաստանին «Իսկանդերով» շանտաժ անել, հիմա ևս շանտաժի է ենթարկում Ռուսաստանին։ Շատ վտանգավոր է»,- ասաց Կարեն Քոչարյանը՝ ընդգծելով, որ մի կողմից՝ շանտաժի է ենթարկում, մյուս կողմից՝ ինքն այլևս ոչ թե ուրիշի սապոգը լիզող է, այլ սապոգի տակի կեղտ, ու դրանով հանդերձ՝ շարունակում է նախկիններին մեղադրել այլ տերություններից կախվածության մեջ լինելու համար։
Խոսելով այս իշխանության՝ ՌԴ-ից ունեցած կախվածության մասին՝ Կարեն Քոչարյանն անդրադարձավ կառավարության այսօր ընդունած որոշումներից մեկին, ըստ որի՝ Սյունիքի մարզի Կապան, Մեղրի և Տեղ համայնքների հողամասերն անհատույց օգտագործման իրավունքով նվիրել են ՌԴ անվտանգային դաշնային ծառայությանը։
«Շնորհավորում եմ Նիկոլ Փաշինյանին, մարդ, որը ընդդիմադիր պատգամավոր էր և ասում էր, որ ՀԱՊԿ-ից պետք է դուրս գալ, հիմա Հայաստանում երկրորդ և երրորդ բազաներն է բացում»,- ասաց նա։
Հարցազրույցի մանրամասները՝ տեսանյութում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի