Պահանջում եմ, որ իշխանությունը ցույց տա, թե այդ ո՞ր թվականի քարտեզներին են նայել, երբ ադրբեջանցիներին թույլ են տվել Կապանի ճանապարհին ցուցանակ տեղադրել
«Սահմանին կուտակվել է մեծ զորախումբ, կասկածում եմ, որ ռեսուրս ունենք մարտական գործողությունների մեջ մտնելու». Բորիս Ավագյան
Նիկոլ Փաշինյանի գլխավորությամբ այսօր առավոտյան դարձյալ տեղի է ունեցել Անվտանգության խորհրդի նիստ, որի ընթացքում Փաշինյանը հայտարարել է, որ մայիսի 12-ից հետո, երբ Ադրբեջանի զինված ուժերի զինծառայողները հատել էին հայ-ադրբեջանական սահմանը, զինծառայողների որոշ խմբեր դուրս են եկել Հայաստանի տարածքից, նման պրոցես տեղի է ունեցել նաև երեկ երեկոյան: Նախանշան կա նաև, որ կարող է այսօր էլ նման պրոցես տեղի ունենալ, բայց ընդհանուր առմամբ, ռազմաքաղաքական իրադրությունն ամսի 12-ից հետո համարում է անփոփոխ:
«Ի՞նչ է սա նշանակում. սա նշանակում է, որ մենք պետք է շարունակենք գործարկել Հավաքական անվտանգության պայմանագրի կազմակերպության մեխանիզմները և պետք է շարունակենք աշխատել հայ-ռուսական դաշնակցային մեխանիզմների գործարկման ուղղությամբ: Մեր դիրքորոշումը հստակ է՝ ադրբեջանցի զինծառայողները պետք է լքեն Հայաստանի Հանրապետության տարածքը»,- ընդգծել է Փաշինյանը:
168 TV-ի «Ռեվյու» հաղորդաշարի եթերում գնդապետ Բորիս Ավագյանը, անդրադառնալով Անվտանգության խորհրդի նիստի ընթացքում Փաշինյանի հնչեցրած վերը նշված հայտարարությանը, նշեց, որ նախքան պահանջ ներկայացնելը գործող իշխանությունը պարտավոր է հրապարակել այն քարտեզները, որոնք դրված են եղել Ադրբեջանի հետ տարված բոլոր բանակցությունների հիմքերում։
«Պահանջում եմ, որ իշխանությունը ցույց տա, թե այդ ո՞ր թվականի քարտեզներին են նայել, երբ փետրվար ամսին ադրբեջանցիներին թույլ են տվել Կապանի ճանապարհին ցուցանակ տեղադրել ու ասել, թե դա իրենց տարածքն է, իշխանությունը պարտավոր է ասել, թե այդ ո՞ր թվականի քարտեզով է Շուռնուխի մի մասը տվել Ադրբեջանին, և հետևաբար՝ հիմա այդ ո՞ր թվականի քարտեզին է հղում անում, երբ ասում է, որ ադրբեջանցիները մտել են Հայաստանի սահմանից ներս։ Պահանջում եմ, որ իշխանությունները հրապարակեն, թե մինչև հիմա այդ ո՞ր քարտեզներին են հղում արել, երբ Ադրբեջանին զիջումներ են արել»,- ասաց Բորիս Ավագյանը։
Մեր զրուցակիցը նաև պնդեց՝ եթե իշխանությունը չի հրապարակում մինչև հիմա Ադրբեջանին արված զիջումների հիմքը, այն է՝ քարտեզները, ապա դա նշանակում է, որ մինչև հիմա զիջումներն արել է բանավոր պայմանավորվածությունների հիման վրա ու հիմա կանգնել է փաստի առաջ։
«Ստացվում է՝դուք բանավոր ինչ-որ բաներ եք պայմանավորվել, ձեր գերիներին չբերած՝ թույլատրել եք Ադբեջանին ցուցանակ տեղադրել Գորիս-Կապան ավտոճանապարհին, հիմա էլ կանգնել եք փաստի առաջ»,- ասաց Ավագյանը։
Հարցին՝ այդ դեպքում ո՞ր թվականի քարտեզներով է Արցախում տեղակայված խաղաղապահ առաքելության ղեկավար Բորիս Մուրադովը մայիսի 12-ից սկսած բանակցում ադրբեջանական կողմի հետ, Ավագյանը պատասխանեց.
«Ռուսական կողմը հորդորել է հայկական և ադրբեջանական կողմերին՝ սահմանագծով զբաղվող հանձնաժողով ստեղծել, որովհետև չի՛ կարելի ամեն մի միջադեպի դեպքում դիմել ՀԱՊԿ-ին, բայց քանի որ այս իշխանությունն առանց սահմանագծերը ճշգրտելու՝ Շուռնուխում ՀՀ սեփականություն ունեցողի տոնը տվել է Ադրբեջանին, հիմա ի՞նչ կարող են անել։ Հիմա ռուսական կողմը բանակցում է ընդամենը, որ բախում չլինի, ռուսական կողմը չի կարող դեմարկացիայի խնդիր լուծել, դա է նաև պատճառը, որ դեռևս որևէ մեկը իր տեղից չի շարժվել, և Իշխանասարում տիրող իրավիճակը նույնն է մնում»։
Ըստ Ավագյանի՝ Իշխանասար մտած 200-250 ադբեջանցուն իր սահմաններից դուրս հանելու համար Հայաստանի կառավարությունը մի դեպքում դիմել է ՀԱՊԿ-ին, մյուս դեպքում՝ Վրաստանի վարչապետին խնդրել է միջնորդել Ալիևի մոտ։
«Պատկերացնո՞ւմ եք՝ մի կողմում դիմում է ՀԱՊԿ-ին, մյուս կողմում դիմում է Վրաստանի վարչապետին, խնդրելով, որ նա միջամտի, հորդորի, որ ադրբեջանական կողմը զորքը ետ քաշի Իշխանասարից, և դա անում են՝ իմանալով ռուս-վրացական հարաբերությունները։ Մենք հստակ պետք է հասկանանք, որ եթե պետության ղեկավարն ասում է՝ ես չեմ կարողանում իմ պետական սահմանը պահել, և դիմում է միջազգային կառույցի, դա նշանակում է որ նա լուծարել է պետությունը փաստացի, փաստացի ասում են, որ որպես պետություն՝ մենք գոյություն չունենք, եթե այդպես է, ապա հարց է առաջանում՝ բա ի՞նչ ենք մենք՝ Ռուսաստանի մա՞րզ, դե եթե այդպես է, եկեք մի հանրաքվե անցկացնենք ու հասկանանք՝ ով ենք մենք»,- անհասկանալի համարեց ՀԱՊԿ-ին դիմելու, ՀԱՊԿ-ի գործողություններին չսպասելով՝ բանակցություններ վարելու այս իշխանության քայլը։
Ավագյանը նաև հավելեց, եթե մայիսի 12-ին հայկական կողմն ինքնուրույն կարող էր խնդիր լուծել, հիմա այդ հարցում ևս ուշացած քայլերի հետևանքով կանգնել է դժվարությունների առաջ։
«Իշխանասարում կուտակվել է լուրջ զանգված, ռազմական գործողությունը պետք է իրականացվեր առաջին օրը, հիմա այնտեղ մեծ զորախումբ է կուտակվել, և կասկածում եմ, որ ունենք ռեսուրս այդ զորախմբի հետ մարտական գործողությունների մեջ մտնելու համար»,- մտահոգություն հայտնեց Ավագյանը։
Հարցազրույցի մանրամասները՝ տեսանյութում
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...