Էրիկ Կլեպտոնը պատմել է «AstraZeneca» պատվաստանյութի «աղետալի» հետեւանքների մասին

Բրիտանացի ռոք երաժիշտ Էրիկ Կլեպտոնը պատմել է հետեւանքների մասին, որոնց բախվել է կորոնավիրուսի դեմ «AstraZeneca» պատվաստանյութը ստանալուց հետո։ «Cream» խմբի նախկին մասնակիցն իտալացի ճարտարապետ Ռոբին Մոնոտի Գրացիադեին ուղղված նամակում, որն, արտիստի թույլտվությամբ, այն հրապարակել է Telegram-ի իր ալիքում, բողոքել է քարոզչությունից, որն, իբրեւ, չափազանցնում է պատվաստանյութի անվտանգությունը։

«Rolling Stone» ամսագիրը հաստատել է, որ ճարտարապետի կողմից հրապարակված նամակը գրված է Կլեպտոնի կողմից։ Դրանում երաժիշտը պատմել է, որ «AstraZeneca» պատվաստանյութի առաջին ներարկումը ստացել է փետրվարին։ «Հաջորդող տաս օրերի ընթացքում ինձ մոտ սուր ռեակցիա է նկատվել»,- հայտարարել է նա։

Երաժիշտը նշել է, որ վեց շաբաթ անց արվել է երկրորդ ներարկումը։ «Ռեակցիան աղետալի էր։ Ձեռքերս մեկ սառչում էին, մեկ ոչինչ չէի զգում, մեկ այրվում էին, եւ մոտ երկու շաբաթ դրանցից ոչ մի օգուտ չկար։ Ես վախենում էի, որ այլեւս երբեք չեմ նվագի (ես տառապում եմ պերիֆերիկ նեւրոպաթիայով ու առհասարակ չպետք է մոտենայի ասղեիմ)։ Բայց քարոզչությունը հայտարարեց, թե պատվաստանյութն անվտանգ է բորլորի համար»,- գրել է արտիստը։