Միասին՝ հանուն հաղթանակի. Տեղի ունեցավ «Անմահների երթ» դեպի Եռաբլուր
Մայիսի 9-ին Շառլ Ազնավուրի հրապարակից Միասին շարժման անդամները երթով շարժվեցին դեպի Եռաբլուր: Վեր պարզած զոհված տղաների նկարներն ու ՀՀ դրոշները՝ նրանք անցան քաղաքի փողոցներով ընդառաջ գնալով անմահներին: Տեղացած հորդառատ անձրևը չէր կարող խանգարել շարժման մասնակիցների առաքելությանը:
«Հենց այսօր՝ Շուշի ազատագրման օրը մենք պարտավոր ենք լինել Եռաբլուրում: Շուշին այսօր մեզ հետ չէ, բայց Շուշին մեր հոգու հաղթանակի սիմվոլն է, ու մենք պարտավոր ենք իմաստավորելու ընկած տղաների նահատակությունը: Իրենք հաղթանակի մարտիկներն էին, մենք ենք պարտվել որպես պետություն, որպես ազգ, քանի որ իրենց սկսած գործը ավարտին հասցնել չկարողացանք: Ու մենք բոլոր շարժվում ենք Եռաբլուր ի հավաստումն նրա, որ մենք իրենց հետ ենք, միասին ենք, մենք նույն ուղղությամբ ենք նայում»,- մեզ հետ զրույցում ասաց երթի նախաձեռնող, Միասին շարժման համահիմնադիր Գևորգ Թադևոսյանը՝շեշտելով, որ իրենց երթը տարբերվող է նրանով, որ որևէ քաղաքական կամ կուսակցական շարժառիթ չունի:
Երթին միացել էին մեծաթիվ կազմակերպություններ, կրթօջախներ զոհվածների հարազատների միավորող նախաձեռնություններ ու պարզապես սրտացավ քաղաքացիներ, երիտասարդներ էին միացել: Բոլորը համախմբվել էին մեկ գաղափարի շուրջ՝ պետք է առերեսվենք իրականությանը, որ կարողանանք նորից հաղթանակներ կերտել, լինել արժանի մեր հողի համար ընկած մարտիկների ոգուն:
Եռաբլուրում տղաների ոգեկոչման արարողություն տեղի ունեցավ, որին միացան նաև հոգևորականները իրենց խոսքով ու աղոթքներով: Ինչպես իր խոսքում նշեց Տավուշի թեմի առաջնորդ Բագրատ սրբազանը, մենք պարտավոր ենք ազատվել մեր հոգու, մտքի, անորոշության կապանքներից, պարտավոր ենք անել ամեն ինչ, որ տոնենք վերջնական հաղթանակ հանուն ամեն ժամ ու րոպե մեր մեջ ներկա գտնվող հերոս տղաների:
Արարողության ավարտին էլ երգիչ Արսեն Համբարյանը արդեն երգի լեզվով իր խոսքն ուղղեց առ երկինք, իսկ երթի մասնակիցները իրենց հարգանքի տուրքը մատուցեցին զոհերի հիշատակին` իրենց խոնարհումը բերելով անհամների շիրիմներին:
Ցիկլոնի ներթափանցմամբ պայմանավորված տեղումներ, բուք կլինեն
Դադարեցրել եմ անդամակցությունս «Քաղաքացիական պայմանագիր» կուսակցությանը․ Վլադիմիր Վարդանյան
Ինչո՞ւ չունենք կանաչ Երևան
Տղամարդն Իրանից Հայասատան է տեղափոխել 22 կգ թմրամիջոցով պարկ
Պարզեցվել է անհատական բնակելի տների կառուցման գործընթացը
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Գյումրու գլխավոր ճարտարապետը մեղադրյալի աթոռին է՝ կաշառք ստանալու, պաշտոնեական կեղծիքի համար
Հայաստանում 2025 թվականի ընթացքում արտադրված էլեկտրաէներգիայի 14%-ը բաժին է հասնում արևային կայաններ...
Իրանի հարստացված ուրանի պաշարները միջուկային օբյեկտների փլատակներում են
Իրանի հանգուցյալ գերագույն առաջնորդի կինը ողջ է