«Հայաստան» դաշինքի գլխավոր շտաբը կղեկավարի Արմեն Գևորգյանը, դաշինքի պաշտոնական ներկայացուցիչը Արամ Վարդևանյանն է
Խորհրդարանական արտահերթ ընտրություններին մասնակցող ուժերն այս օրերին զբաղված են նախընտրական շտաբների կազմավորման աշխատանքներով։ ՀՀ երկրորդ նախագահ Ռոբերտ Քոչարյանի գլխավորած «Հայաստան» դաշինքի կենտրոնական շտաբը, ըստ տարբեր տեղեկութունների, կղեկավարի ՀՀ նախկին փոխվարչապետ Արմեն Գևորգյանը։
ՀՀ երկրորդ նախագահի գրասենյակի ղեկավարից NEWS.am-ը հետաքրքրվեց, թե համապատասխանո՞ւմ են լուրերը իրականությանը։
«Այո, պարոն Գևորգյանն արդեն իրականացնում է կենտրոնական շտաբի ղեկավարի գործառույթները։ Ցավոք, նա մի փոքր վատառողջ է և աշխատում է առայժմ հիվանդասենյակից կամ տանից։ Բայց հուսով եմ, որ շատ շուտով կկազդուրվի և կանցնի իր պարտականությունների լիարժեք կատարմանը»,- ասաց պարոն Սողոմոնյանը և հավելեց․ «Ուզում եմ առիթից օգտվելով տեղեկացնել, որ «Հայաստան» դաշինքի պաշտոնական ներկայացուցչի գործառույթներն իրականացնելու է պարոն Արամ Վարդևանյանը, և արդեն երկու-երեք օրից բոլոր նրանք, ովքեր հարցեր կունենան շտաբի, Դաշինքի գործունեության վերաբերյալ, կկարողանան իրենց հարցերը ուղղել թե՛ «Հայաստան» դաշինքի պաշտոնական ներկայացուցչին, թե՛ մամուլի ծառայությանը»։
Վիկտոր Սողոմոնյանը տեղեկացրեց նաև, որ «Հայաստան» դաշինքի կենտրոնական շտաբը օրերս կհրապարակի հեռախոսահամարները, էլեկտրոնային փոտի հասցեն, որոնց օգնությամբ լրատվամիջոցներն ու ցանկացած ոք տեղեկատվություն կարող է ստանալ «Հայաստան» դաշինքի գործունեության վերաբերյալ։
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Հօգուտ Դիլիջան համայնքի կբռնագանձվի 2 միլիոն 970 հազար դրամ
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Իրանական կամպանիայի ամերիկյան ծախսերը կարող է հասնել 31 մլրդ դոլարի
Մի նոր փոդքաստ պարտադիր դիտման համար
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
«Արտեմիս II» տիեզերագնացները Լուսնի ձգողականության ազդեցության գոտի են հասել
Կգործարկվի YES Parking բջջային հավելվածը
ՌԴ Պերմ քաղաքում դպրոցականը դանակnվ hարձակվել է ուսուցչուհու վրա. վերջինս մաhացել է