«Շատ էի խմել». Դինա Սաեւան պատմել է կյանքին վերջ տալու փորձի մասին

21-ամյա Դինա Սաեւան դժվարությամբ է հաղթահարում հալածանքը սոցիալական ցանցերում։ Երբեմն ամեն ինչ հասնում է նրան, որ որոշ մարդիկ աղջկան սպառնում են ֆիզիկական հաշվեհարդարով կամ պարզապես նրա վիրավորանքների շարք են ուղղում լողազգեստով անկեղծ լուսանկարների պատճառով՝ կարծելով, որ արեւմտյան կինը չպետք է ցուցադրի իր մարմինը։

«Ինչ-որ պահի սկսեցի ակտիվորեն ալկոհոլ օգտագործել։ Գինին ինձ էլ ավելի էր խորասուզում դեպրեսիայի մեջ։ Մի անգամ շատ էի խմել, գնացել էի պատշգամբ ու անցել բազրիքից այն կողմ։ Կանգնել եմ այնքան, մինչեւ ընկերս մոտեցել է։ Նա կարողացել է ամեն ինչ հարթել։ Պարզապես սկսեց խոսել ինձ հետ ու կամաց-կամաց մոտենալ։ Հետո նա արագորեն գիրկն առավ ինձ ու հետ քաշեց պատշգամբ»,- նշել է բլոգերը։

Աստղը նշել է, որ այդ պահին չէր հասկանում, թե ինչ է կատարվում իր հետ։ Նա շոկի մեջ է եղել, թե ինչպես է ալկոհոլն ազդել իր գիտակցության վրա։ Բլոգերը որոշել է առհավետ հրաժարվել սպիրտային խմիչքների օգտագործումից՝ նմանատիպ իրավիճակներից խուսափելու համար։ «Ձգտում եմ ինքնուրույն լուծել խնդիրները։ Փորձում եմ ընդունել ե՛ւ վատը, ե՛ւ լավը, քանի երբ փորձում ես դուրս անել վատը, տեղ ես ազատում այլ վատ բանի համար»,- վստահ է Սաեւան։

Դինան հայտնել է, որ պատրաստ չի եղել հայտնի լինելուն, առավել եւս հետեւորդների կողմից բացասականի ալիքին։ Նրա խոսքով՝ նույնիսկ մտերիմ մարդկանց չի կարողանում պատմել ներքին ցավի մասին։

«Որքան հայտնի եմ ես դառնում, այնքան շատ բան է տեղի ունենում իմ կյանքում, որը չեմ կարողանում հաղթահարել։ Ծանր է, երբ ստիպված ես ամեն ինչ միայնակ հաղթահարել։ Մայրիկը հարցում է՝ ինպե՞ս ես, իսկ ես չեմ կարող ամեն ինչ պատմել նրան, որովհետեւ նրան հերքին են իր իսկ խնդիրները։ Մայրս 42 տարեկան է եւ իրեն արդեն իսկ ծեր է զգում։ Ուզում եմ ասել․ «Ո՛չ, ամեն ինչ դեռ առջեւում է։ Դու պետք է ամուսին գտնես։ Մենք երեխաներ ենք ուզում»։ Նա ասում է․ «Ո՛չ, ես ծեր եմ։ Ե՞րբ ինձ թոռներ կպարգեւեք»։ Մարդն ընդամենը 42 տարեկան է, բայց իրեն արդեն իսկ մոտեցնում է մահվանը։ Ինչպե՞ս կարող եմ նրան թույլ տալ վերապրել նաեւ իմ խնդիրները»,- YouTube-յան «вМесте» շոուի ընթացքում ասել է նա։