Վահան Քերոբյանը կրճատել է գյուղոլորտի 69 հաստիք. «Միտումը թուրքական ապրանքներ բերելն է». բողոքի ակցիա. (տեսանյութ)
Էկոնոմիկայի նախարարության գյուղատնտեսության խորհրդատվության նորարությունների և մոնիտորինգի վարչության մարզային բաժինների 69 հաստիք կրճատվում է. աշխատակիցները ակցիա են անում կառավարության մոտ։
Աշխատակիցներից մեկը ներկայացնելով իրավիճակը՝ նշեց. «Գյուղացիներն այսօր մեր կարիքն ունեն՝ բուժման աշխատանքներում խորհրդատվություն, պրոֆիլակտիկ աշխատանքներում խորհրդատվություն, մենք անընդհատ պետք է լինենք գյուղացու կողքին, որ գյուղատնտեսությունը զարգանա:
Ոլորտի մասնագետներին կրճատելով գյուղատնտեսությունը չի զարգանա:
Սա մեծ հարված է ոլորտին, գյուղացին կմնա մենակ»:
Էկոնոմիկայի նախարարության գյուղատնտեական խորհրդատվության նորարությունների և մոնիտորինգի վարչության Արագածոտնի բաժնի գլխավոր խորհրդատուն էլ ասաց. « Կարող ենք ասել, որ խաչ ենք քաշում գյուղատնտեսության ոլորտի վրա: Եթե Հայաստանում գյուղատնտեսությամբ զբաղվում է 30 տոկոսը, այսպես խաչ կքաշենք գյուղատնտեսության վրա, առանց այն էլ չունենք գյուղնախարարություն»:
Նա տեղեկացրեց, որ ապրիլի 27-ի ժամը 18:15-ին մալբրիով գրություն է եկել իրենց, որ օպտիմալացվել են. «Իբր մոնիտորինգներ են արել, արդյունավետություն են գնահատել և այդ արդյունավետության հիման վրա է նման որոշում կաացվել»,- ասաց նա:
Հարցին՝ թե ինչո՞ւ են որոշել նման բան անել, միտումը ո՞րն է, նա կարծիք հայտնեց, որ միտումը թուրքական շուկա մտնելն է, թուրքական ապրանքներ բերելն է. «Նախարար պարոն Վահան Քերոբյանը հենց եկավ նախարարություն, սկզբից ասաց, որ ավելի լավ է թուրքական շուկան բացվի, թուրքամետ քաղաքականություն ենք անում, գյուղոլորտով 10 տոկոսը զբաղվի»:
Տարբեր շրջանների վարչության աշխատակիցները նշեցին՝ բոլորն ունեն բարձրագույն կրթություն, իրենց խորհրդատվությունների կարիքն, իրոք, ունեն գյուղատնտեսները, իրենց խորհուրդների շնորհից գյուղատնտեսները կարողանում են իրենց գործելաոճում նորարարություններ մտցնել:
«Փաստի առաջ ենք կանգնել՝ մասնագետներ ենք, բայց մեզ գործից տուն են ուղարկում»,- ասաց Լոռու բաժնի ավագ խորհրդատուն:
«Մեր հանրապետությունը սակավահող երկիր է համարվել, 460 հազար հեկտար վարելահող ունենք, 50 տոկոսը չի մշակվում, սրանից հետո այդ տոկոսը կավելանա»,- նշեց մեկ այլ աշխատակից:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի