Շուրջ 20 ոստիկան ու ժամկետային զինծառայող կարողանում են դուրս գալ թշնամու շրջափակումից. փոխգնդապետ Արման Հակոբյանը նրանց մեջ չէր…(տեսանյութ)
Ոստիկանության զորքերի գումարտակի հրամանատար, փոխգնդապետ Արման Հակոբյանը ծնվել է 1989 թվականին, Երևանում։ Ունի երեք դուստր՝ Էլիզաբեթը, Ամելիան և Կատրինը։
Արցախյան առաջին պատերազմի մասնակից, ոստիկան հոր՝ Գագիկ Հակոբյանի օրինակով Արման Հակոբյանն ընտրեց իրավապահի մասնագիտությունը։ 2006-2010 թթ. սովորեց ոստիկանության ակադեմիայի ոստիկանության զորքերի հրամանատարական ֆակուլտետում։
Ուսումն ավարտելուց հետո ծառայության անցավ ոստիկանության զորքերում։ Լեյտենանտից հասել էր մայորի կոչման, դասակի հրամանատարից՝ գումարտակի հրամանատարի պաշտոնի։ Բացի հասարակական կարգի պահպանությունից, 2018 թվականից իր ստորաբաժանման հետ Տավուշի մարտական դիրքերում իրականացնում էր նաև մարտական հերթապահություն։
Արման Հակոբյանն իր գումարտակի հետ սեպտեմբերի 29-ից շուրջ մեկ ամիս մասնակցեց Քարվաճառի պաշտպանությանն ու հատուկ կարևորության ռազմավարական նշանակության օբյեկտների պահպանությանը։
Քարվաճառից մի քանի օրով վերադարձավ տուն, սակայն օրեր անց իր գումարտակով կրկին մեկնեց Արցախ։ Այս անգամ վտանգված էր հայոց բերդաքաղաք Շուշին։
Նոյեմբերի 4-ին փոխգնդապետ Արման Հակոբյանն իր գումարտակի հետ արդեն Շուշիի մատույցներում էր։
Նոյեմբերի 5-ին թշնամին Քարինտակի ուղղությամբ դեպի Շուշի մեծ հարձակում էր ձեռնարկել։ Մարտերը մոտ տարածության վրա էին: Թշնամու մեծաքանակ ուժերը առաջ էին գալիս։ Թշնամու հարձակումն ուղեկցվում էր նաև հրետանու ակտիվ կիրառմամբ։ Ժամ առ ժամ մարտերը թեժանում էին։ Ադրբեջանաթուրքական զորքերի ու վարձկան ահաբեկիչների մեծաքանակ ուժերը ավելի էին մոտենում։ Նոյեմբերի 7-ին ոստիկանության զորքերի ծառայողները հայտնվեցին թշնամու շրջափակման մեջ։ Կեսօրին մոտ նահանջի հրաման է տրվում:
Հենց այդ ժամանակ էլ սկսվում է թշնամու ինտենսիվ հրետակոծությունը։ Տարբեր տրամաչափի զինատեսակներից կրակ է արձակվում հայկական ուժերի ուղղությամբ։ Հրետակոծությունից հետո ոստիկանության զորքերի ծառայողները հայտնաբերում են զորամասի հրամանատար Արմեն Վարդանյանի մարմինը։ Հրամանատարի առաջին տեղակալ, ձեռքից վիրավորված Արայիկ Ալոյանի գլխավորությամբ՝ շուրջ 20 ոստիկան ու ժամկետային զինծառայող կարողանում են դուրս գալ թշնամու շրջափակումից։ Գումարտակի հրամանատար, փոխգնդապետ Արման Հակոբյանը նրանց մեջ չէր։
Փոխգնդապետի մարմինը հայտնաբերվեց պատերազմի ավարտից ամիսներ անց…
Արցախյան երկրորդ պատերազմի մասնակից, փոխգնդապետ Արման Հակոբյանը հուղարկավորված է Արցախյան առաջին ազատամարտի մասնակից, փոխգնդապետ հոր՝ Գագիկ Հակոբյանի կողքին։ Երկու եռագույն՝ կողք կողքի։ Փոխգնդապետներ հայր ու որդի՝ կողք կողքի։ Նրանք կրեցին համազգեստ, ծառայեցին հանուն իրավակարգի, հանուն հայրենիքի։ Նրանք իրենց կյանքով ու գործով ապրեցրին մեզ և բռնեցին անմահության ճանապարհը։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի