Իտալիայի ՆԳ նախկին նախարարին միգրանտների գործով կդատեն
Իտալիայի ՆԳ նախկին նախարար եւ փոխվարչապետ, «Լիգա» կուսակցության առաջնորդ Մատեո Սալվինին կկանգնի դատարանի առջեւ մի գործով, որում նա մեղադրվում է միգրանտներին ապօրինի պահելու եւ պաշտոնեական լիազորությունները չարաշահելու մեջ: Նախաքննության դատավորը որոշել է քաղաքական գործչին հանձնել արդարադատությանը՝ Պալերմոյում առաջին նիստը նշանակելով սեպտեմբերի 15-ին, գրում է ՏԱՍՍ-ը:
Լինելով ՆԳՆ ղեկավար եւ վարելով անօրինական միգրացիայի դեմ պայքարի քաղաքականություն՝ Սալվինին արգելել է մուտքը իտալական նավահանգիստներ եւ թույլ չի տվել, որ իսպանական Open Arms հասարակական կազմակերպության նավից 147 միգրանտներն իջնեն: Սալվինին պնդում է, որ գործել է պետության շահերից ելնելով՝ ամբողջ կառավարության համաձայնությամբ: Սակայն «5 աստղ շարժում» իշխող կոալիցիայում «Լիգա»-ի նախկին դաշնակիցները, ինչպես նաեւ նախկին վարչապետ Ջուզեպպե Կոնտեն հերքում են, որ իրենք կողմ են արտահայտվել ծովում գտնվող փրկված միգրանտներով նավերի արգելափակմանը:
Մեղքը ընդունելու դեպքում կրկին ընդլայնված իշխող կոալիցիայի մաս կազմող «Լիգա»-ի առաջնորդին սպառնում է երեք տարվա ազատազրկում: Եթե դատավճիռը հաստատվի բոլոր դատական ատյաններում, ըստ օրենքի, Սալվինին չի կարողանա մասնակցել ընտրությունների եւ զբաղեցնել պետական պաշտոններ:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Հայ-վրացական գազատարը Հայաստանի խնդրանքով կտեղափոխվի
«Վարդաշեն» քրեակատարողական հիմնարկից դատապարտյալ է փախել