Եթե կգտնեք մարդ, որը դրան հավատում է, խնդրեք, թող ինքը մեկնաբանի․ Սողոմոնյանը՝ Պոզներին գումար փոխանցելու «լուրի» մասին
Երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանից «Հրապարակ»-ը հետաքրքրվեց՝ ո՞ր երկու քաղաքական ուժերի հետ է նա պատրաստվում դաշինք կազմել, ինչի մասին հայտարարել էր երեկ նա Վլադիմիր Պոզներին տված հարցազրույցում։
Սողոմոնյանը, սակայն, որևէ հստակ բան չասաց այս թեմայով․ «Կարծում եմ՝ եթե ինքը ուզենար դա ասել, ինքը կհայտարարեր, չէր թողնի, որպեսզի ես դրա մասին խոսեի»,-ասաց Վիկտոր Սողոմոնյանը։
-ՀՀԿ-ի հետ համագործակցություն հնարավո՞ր է, թե՞ բացառվում է դա։
-Ես երբևէ իր հետ այդ հարցը չեմ քննարկել։
-Իսկ ՀՅԴ-ի հետ համագործակցությունը հավանակա՞ն է, քանզի խոսվում է, որ այդ երկու ուժերից մեկը հենց Դաշնակցությունն է լինելու։
-Ես եթե կուսակցությունների վերաբերյալ Ձեզ ասելիք ունենայի, առաջին իսկ հարցից կպատասխանեի։
-Ի դեպ, Պոզների հետ հարցազրույցն ո՞ւմ նախաձեռնությամբ և ինչպե՞ս է ստացվել, քանզի ասում են՝ այն ուղիղ Կրեմլից է ուղղորդվում և Կրեմլի համաձայնությամբ է տեղի ունենում։
-Խոսքը վերաբերում է օտարերկրյա լրատվամիջոցներին, ես ձեռնպահ կմնամ մեկնաբանություններից։ Սովորաբար հյուրը հայտնվում է հեռուստաընկերության հրավերով։ Այսքանը կարող եմ ասել, մնացածը իմ գործը չէ։ Դա մեր բարեկամ երկրի, բայց, այնուամենայնիվ, օտարերկրյա լրատվամիջոց է, ես չեմ ուզում էդ մանրամասների մեջ մտնել։
-Պարզապես հասարակության մեջ ընկալումն այնպիսին է, որ դա Կրեմլի ցուցումով կամ համաձայնությամբ կազմակերպված հարցազրույց էր։
-Ես, Ձեր թույլտվությամբ, չմեկնաբանեմ։
-Կարող է անլուրջ թվալ, իհարկե, բայց մեր Հանրային խորհրդի նախագահի պաշտոնը զբաղեցնող Ստյոպա Սաֆարյան անունով ֆեյսբուքյան օգտատերը կիսվել էր մի «տեղեկությամբ», թե Ռոբերտ Քոչարյանը 200 հազար դոլար է փոխանցել Պոզներին։ Սրան ինչպե՞ս կարձագանքեք։
-Ես, Ձեր թույլտվությամբ, չարձագանքեմ, էլի։ Եթե կգտնեք մարդ, որը դրան հավատում է, խնդրեք, թող ինքը մեկնաբանի։
-Իսկ ե՞րբ է Քոչարյանը հայաստանյան լրատվամիջոցներին մեծ հարցազրույց տալու, ասուլիսով հանդես գալու, Դուք դրա մասին հայտարարել էիք, կարծեմ։
-Չեմ կարող ասել, այո, մեր պլաններում մշտապես եղել են, Դուք տեսել եք, որ տարբեր լրատվամիջոցների հետ հարցազրույցներ են եղել, ասուլիսի տեսքով կլինեն ինչ-որ պահի, թե չէ՝ չգիտեմ, բայց մեր քննարկվելիք հնարավոր տարբերակներում ասուլիսի տարբերակը մշտապես առկա է, բացառել չի կարելի։
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Հօգուտ Դիլիջան համայնքի կբռնագանձվի 2 միլիոն 970 հազար դրամ
Իրանական կամպանիայի ամերիկյան ծախսերը կարող է հասնել 31 մլրդ դոլարի
Մի նոր փոդքաստ պարտադիր դիտման համար
«Արտեմիս II» տիեզերագնացները Լուսնի ձգողականության ազդեցության գոտի են հասել
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Վերջին երկու տարվա ընթացքում զորակոչիկների թիվն աճում է. Անդրանիկ Քոչարյան
Կգործարկվի YES Parking բջջային հավելվածը