Պատերազմում պարտության պատճառներից մեկը Զինված ուժերի ղեկավար կազմի հաճախակի փոփոխություններ էին. Սեյրան Օհանյան. (տեսանյութ)
Վերջին շրջանում ռազմական ոլորտում պաշտոնի էին գալիս մարդիկ, որոնք չէին տիրապետում իրավիճակին, չունեին համապատասխան փորձ և չեն կարողացել մարտական գործողությունների ժամանակ ճիշտ գնահատել իրավիճակը: Այս մասին լրագրողների հետ զրույցում ասաց Արցախի և Հայաստանի պաշտպանության նախկին նախարար Սեյրան Օհանյանը: Հաղորդում է Tert.am-ը:
«Պատերազմական գործողություններում պարտություն կրած պատճառներից մեկը ԶՈՒ-ի ղեկավար կազմի արագ փոփոխություններն են, որ վերջին տարիներին տեղի են ունեցել ՀՀ ՊՆ նախարարի, ԳՇ պետի, Արցախի պաշտպանության նախարարի փոփոխությունները: Պաշտոնի գալիս էին մարդիկ, ովքեր չէին տիրապետում իրավիճակին և նաև չունեին համապատասխան փորձ ու պատերազմական գործողությունների ժամանակ չեն կարողացել ճիշտ եզրակացություններ անել»,- ասաց Սեյրան Օհանյանը:
Նա նաև նշեց՝ որևէ պաշտոնի ազատումից առաջ պետք է նախ նշվեն հստակ պատճառներ և իրականացվի ծառայողական քննություն:
«Պաշտոններից ազատումից առաջ պետք է հստակ նշվեն պատճառները և բացի դրանից անցնում է ծառայողական քննություն, ընդ որում ծառայողական քննություն է անցկացնում այնպիսի անձնավորություն, որը գոնե մեկ աստիճան բարձր է տվյալ պաշտոնատար անձից, որպեսզի կարողանա լիարժեք իրադրությունը գնահատել և առաջարկություններ ներկայացնել, իսկ ԳՇ պետի դեպքում այս ամենը չի իրականացվել»,- նշեց նաԼ
Նախկին նախարարը նաև մեկնաբանեց ԳՇ պետի նախկին առաջին տեղակալ Տիրան Խաչատրյանի և ԳՇ նախկին պետ Օնիկ Գասպարյանի միջադեպը, նշելով՝ դա մեկ մարդու կամայականությունների արդյունք է և համապատասխան ծառայողական քննություն չի իրականացվել:
«Տիրան Խաչատրյանը վարչապետի կողմից ներկայացված հերոս է և նա առանց որևիցե պատճառաբանության ազատում է նրան պաշտոնից, սա էլ հիմք է հանդիսացել իրավիճակի, որը տիրում է այսօր: Գեներալ-գնդապետ Գասպարյան Օնիկը, որը նաև նույն հանրապետության վարչապետի կողմից ներկայացվել է պաշտոնի նաև կոչման պատերազմի ժամանակ, նորից առանց որևիցե զրույցի և ծառայողական քննության ազատվում է պաշտոնից, այս ամենը մեկ մարդու կամայականությունների արդյունքում ձևավորված իրադրություն է»,- ասաց նա:
Սեյրան Օհանյանը նաև ընդգծեց՝ բանակում պետք է իրականացվեն համապատասխան ընթացակարգեր և նշանակվեն փորձառու անձինք:
«Ես չեմ կարող ասել նոր ԳՇ պետ նշանակելուց ԶՈՒ-ն կշահի, թե կտուժի, որովհետև բանակը այս իրադրությունից ելնելով պետք է համապատասխան ընթացակարգեր անցնի և փորձառության առումով, հատկապես զորային կառույցի ղեկավարման, բանակային կորպուսի ղեկավարման առումով Գասպարյանը եղել է փորձառու անձ, իսկ նոր ԳՇ պետը ազատվել էր աշխատանքից ինչ-որ պատճառով»,- ասաց Սեյրան Օհանյանը:
Նա նաև մեկնաբանեց Լևոն Մնացականյանի և Մովսես Հակոբյանի աշխատանքից ազատումը և նշեց՝ այս փոփոխությունները բացասաբար են ազդում բանակի վրա: «Երկու անձանց պաշտոնից ազատումը չափազանց բացասական կերպով է ազդել այս մարտական գործողությունների ընթացքին և, ընդհանուր առմամբ, կառուցվածքային փոփոխությունները, կենտրոնական ապարատի ուռճացումը բացասական ազդեցություն են ունեցել»,- ասաց նա:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Ռուսաստանն արգելել է «Ջերմուկի» ևս 1,1 մլն շշի վաճառքը
Ուկրաինան կարող է ստիպված լինել հաշտվել իր տարածքի մի մասի կորստի հետ
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Մենք ենք պետք Եվրոպային, թե Եվրոպան` մեզ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...