Սկսվելու են առեղծվածային սպանությունները. Փաշինյանն իրականացնելու է իր քաղաքական կնքահոր ծրագրերը. Արա Սահակյան
Հայաստանում արտահերթ խորհրդարանական ընտրություններ անցկացնելու վերաբերյալ չկա որևէ պաշտոնական հայտարարություն, իսկ Նիկոլ Փաշինյանը, եթե ցանկանում է արտահերթ ընտրություն անցկացնել, պետք է հրաժարական ներկայացնի. թող հրաժարականը տա, հետո կխոսենք։ 168 TV-ի «Ռեվյու» հաղորդաշարի եթերում նման տեսակետ հայտնեց «Հայրենիք» կուսակցության խորհրդի անդամ Արա Սահակյանը՝ ընդգծելով, որ եթե իշխանությունը որոշի ընտրությունների գնալ նոր Ընտրական օրենսգրքով՝ համամասնական ընտրակարգով, ապա իրենց կուսակցությունը կարող է քննարկել դրանք բոյկոտելու հարցը։
Հիշեցնենք որ «Հայրենիք» կուսակցությունից հայտնել էին, որ իրենք մասնակցելու են արտահերթ խորհրդարանական ընտրություններին, և, ինչպես փոխանցել էր կուսակցության խոսնակը՝ «Արթուր Վանեցյանն էլ հայտարարել էր, որ եթե կայանան արտահերթ ընտրություններ, «Հայրենիք» կուսակցությունը մասնակցելու է՝ հաղթելու նպատակով և Հայաստանում վերջապես կայունություն մտցնելու ու վաղվա օրակարգի մասին խոսելու նպատակով»:
Իսկ «Ռեվյու» հաղորդաշարի եթերում Արա Սահակյանն ասաց. «Փաշինյանը պետք է հեռանա, ես կոչ եմ անում նրան ու նրա շրջապատին հեռանալ, որպեսզի հնարավորություն տրվի Հայաստանին շտկվելու և զարգացման ճանապարհ ընտրելու։ Այնքան, որքան այդ մարդը կկարողանա մնալ Հայաստանում իշխող, տեսեք, ես զգուշանում եմ, եթե այդ վստահության ընտրություններն անցկացրեց իր ուզած ձևով՝փողերը թափելով, ամեն ինչ անելու է ու կեղծի։ Ընտրությունները կեղծելու հնարավորություն ունի միայն իշխանությունը, և հետևաբար՝ իշխանությունը կեղծելու է։ Այն, որ հայտարարում է՝ ամսի 20-ին ընտրություն կանենք, և մարդկանց զբաղեցնում է՝ հրաժարական չտալով, դա կեղծիք է, այն, որ նստած Ընտրական օրենսգիրք են փոխում, դա կեղծիք է։ Ես ասում եմ՝ այդ մարդը Հայաստանում հաստատելու է դիկտատուրա, սկսվելու են այլախոհների հետապնդումները, առեղծվածային սպանությունները, այն, ինչ եղել է 1990-ականների կեսերին, նա՝ Փաշինյանը, իրականացնելու է իր իսկական, ճշմարիտ քաղաքական կնքահոր ծրագրերը. Հայաստանին դժբախտություններ են սպասվում» ։
Հարցին՝ իսկ արդյո՞ք Փաշինյանի ծրագրերի մեջ է մտնելու Հայաստանը թուրքական վիլայեթ դարձնելը, Արա Սահակյանը պատասխանեց.
«Ղալաթ կանի, չի կարողանա։ Ինչ վերաբերում է Թուրքիային, ապա նրան այսպես ջարդված, կոտրված վիլայեթն ինչի՞ն է պետք, Կարսի վիլայեթը Հայաստանի տնտեսությունից հզոր տնտեսություն ունի»։
Հարցազրույցի մանրամասները՝ տեսանյութում
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ