Այսուհետ ես զբաղվելու եմ մի «ֆեյքով», որի անունն է Նիկոլ Փաշինյան․ Արա Սաղաթելյան
Ինչ խնդիր են իշխանությունները փորձում լուծել ինձ կալանավորելով, նույնիսկ իրենք չեն հասկանում: Իմ խոր տպավորությամբ իշխանության գլխում պարբերաբար իրար հակասող մտքեր են ի հայտ գալիս, որը համապատասխան հոգեվիճակի արդյունք է: Այս մասին Վերաքննիչ դատարանի դիմաց, պատասխանելով հարցին, թե ինչ խնդիր է ցանկանում լուծել իշխանությունը՝ իրեն կալանավորելով, ասաց ԱԺ աշխատակազմի նախկին ղեկավար Արա Սաղաթելյանը:
«Այս ընթացքում կատարվեց մի աննորմալ ապօրինություն, որը սկսվեց այն պահից, երբ եկան գրասենյակ խուզարկության: Եկել էին գրասենյակ, որտեղ գտնվում էի ես, բայց արձանագրել էին կողքի՝ հիմնադրամի գրասենյակը: Առաջին վայրկյաններից բոլորին արգելեցին օգտվել հեռախոսներից, առգրավվեցին ամբողջ տեխնիկան և որոշ փաստաթղթեր, ապա այդ թղթերից մի քանիսը ներկայացրին դատարան, իբր առգրավել են իմ սենյակից»,-նշեց Արա Սաղաթելյանը:
Նրա խոսքով՝ այս ամբողջ գործընթացը քաղաքական էր, կազմակերպված և նպատակաուղղված՝ երկրի իշխանության, մասնավորապես, վարչապետի աթոռը զբաղեցնող Նիկոլ Փաշինյանի կողմից:
«Սա դուք տեսաք նաև ԱԱԾ նախկին տնօրեն Միքայել Համբարձումյանի հայտարարության մեջ, որտեղ նշված է, որ ինքը հոկտեմբերի 27-ին զրույց է ունեցել Փաշինյանի հետ՝ բացատրելով, որ թույլ հիմքերով քաղաքական նպատակներով քրեական գործեր հարուցել չի կարելի: Այս գործը հենց այդ գործերից է, որի պատճառով Համբարձումյանը հրաժարական է տվել: Ինչ վերաբերվում է վարույթը իրականացնող մարմնի վարքագծին, քննիչն ամբողջ նիստի ընթացքում փորձում էր մոլորեցնել դատարանին, ներկայացնում էր աղճատված տվյալներ, ընդհուպ աղճատվել էր գաղտնալսումը, ես ասում եմ մի բան, իրենք թղթերով բերել էին ուրիշ բան, կարծես թե դատարանն էլ դեմ չէր մոլորվելուն, որի արդյունքում ես հայտնվեցի մեկուսարանում»,-ասաց Արա Սաղաթելյանը:
Անդրադառնալով պրոտոն VPN համակարգին՝ նա ասաց. «Շատ սխալ և բութ կարծրատիպ էր, որը ես նկատեցի դատախազության շատ տարօրինակ վարքագիծ ունեցող ներկայացուցչի մոտ: Մեր ուժայինների մոտ տպավորություն է, որ պրոտոն VPN համակարգը թաքնվելու համար է: Այդ համակարգը ընդլայնվելու համար է, այն հնարավորություն է տալիս օգտվել մեծ ռեսուրսներից: Ինձ մեղադրում էին, որ ստեղծել եմ այդ ֆեյքը, ինձ համար շատ կարևոր է, որ ես կապ չունեմ դրա հետ: Ցավում եմ, որ իմ 18-21 տարեկան ուսանող աղջիկները տեսան այդ ապուշին և կարդացին այդ տեքստերը: Վաղվանից ես դադարեցնում եմ իմ մանկավարժական գործունությունը և դաստիարակելու եմ մի դեռահասի, որ կոչվում է Նիկոլ Փաշինյան, ես զբաղվելու եմ մի ֆեյքով, որ կոչվում է Նիկոլ Փաշինյան»:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...