Ադրբեջանում ինձ հետ վարվում էին՝ ինչպես աղբի
Ադրբեջանում ելույթ ունեցած եթովպիացի վազորդ Լիլի Աբդուլաեւան բողոքել է իր նկատմամբ սարսափելի վերաբերմունքից։
Ըստ haqqin.az-ի՝ գերմանական ARD-ին տված հարցազրույցում մարզուհին ասել է, որ Ադրբեջանում իր եւ օտարերկրացի մյուս սպորտսմենուհիներ հետ վարվում էին ինչպես սպորտային ստրուկների հետ։ «Ինձ խոստացել էին լավ աշխատավարձ, տուն, թանկարժեք մեքենաներ, եթե հաղթեմ։ Բայց ես այդպես էլ ոչինչ չստացա։ Իմ շահած գումարները հափշտակում էին, ինձ խաբեությամբ ստիպում էին դոփինգ ընդունել։ Եվ ես ոչ ոքի խորհուրդ չէի տա կրկնել դա»,- ասել է Աբդուլաեւան։
«Այնտեղ գտնվելուցս 8 ամիս անց ես մարզիչից հարցրեցի, թե ինչու իմ գումարները չեմ ստանում՝ սպառնալով, որ այդ մասին կհարցնեմ ֆեդերացիայի նախագահին։ Դրանից հետո նա տվեց իմ փողերը։ Պարզվում է՝ նա դրանք յուրացնում էր իմ ելույթների երրորդ ամսից։ 2011 թվականին Ստոկհոլմում «Ադամանդե լիգայի» ժամանակ ես վնասվածք ունեի, բայց ամեն դեպքում պետք է մեկնարկի դուրս գայի»,- ասել է Լիլին։
Նրա խոսքով՝ մրցույթից առաջ մարզիչը դեղահաբ է դրել լեզվի տակ։ Իսկ երբ սպորտսմենուհին հարցրել է, թե դա ի՞նչ դեղորայք է, պատասխան է ստացել, որ դա կօգնի իրեն ուժ ստանալ։ Աղջիկը հասցրել է դրա տուփի վրա կարդալ անվանումը (տեստոստերոնի տրիբուլուս)։ Համացանցում Լիլին կարդացել է, որ դա կարող է անպտղություն առաջացնել։
Բացի այդ, մարզիչը խոստացել է Լիլիի մրցանակների մի մասը Եթովպիա ուղարկել, երբ վերջինն այնտեղ կվերադառնա, սակայն այդպես էլ չի ուղարկել։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ