«Պողպատե մուրճը» հեռացավ բռնցքամարտից
Պրոֆեսիոնալ բռնցքամարտի աշխարհի նախկին չեմպիոն ծանրքաշային Վլադիմիր Կլիչկոն այսօր հայտարարել է սպորտից վերջնականապես հեռանալու մասին:
«Ես երբեք չեմ ենթադրել, որ կունենամ այսպիսի երկարատև և հաջողված մարզական կարիերա, սրտանց շնորհակալ եմ իմ երկրպագուներին», - ասվում է 41-ամյա բռնցքամարտիկի այսօր հրապարակած հայտարարությունում:
Կլիչկոն ապրիլի 29-ին 11-րդ ռաունդում նոկաուտով պարտվել է աշխարհի ներկայիս չեմպիոն 27-ամյա բրիտանացի Էնթոնի Ջոշուային: Ենթադրվում էր, որ նոյեմբերին տեղի կունենա ռևանշի մենամարտը, սակայն այն այլևս կչեղարկվի:
«Նախ որպես սիրող, ապա պրոֆեսիոնալ՝ ես սպորտում նվաճել եմ այն ամենն, ինչի մասին երազել եմ, հիմա եկել է սպորտից հետո կյանքիս երկրորդ շրջանն ապրելու ժամանակը», - ասվում է Կլիչկոյի այսօրվա հայտարարությունում:
Վլադիմիր Կլիչկոյի ավագ եղբայրը՝ Վիտալին, նույնպես ծանր քաշում աշխարհի նախկին չեմպիոն է և հիմա զբաղեցնում է Ուկրաինայի մայրաքաղաք Կիևի քաղաքապետի պաշտոնը:
Պրոֆեսիոնալ բռնցքամարտում Վլադիմիր Կլիչկոյի մականունն էր «Պողպատե մուրճ»: Նա իր կարիերայի ընթացքում տարել է 64 հաղթանակ, այդ թվում 53-ը՝ նոկաուտով, և կրել է ընդամենը 5 պարտություն:
Վլադիմիր Կլիչկոն պրոֆեսիոնալ բռնցքամարտի տարբեր ֆեդերացիաների վարկածներով ծանր քաշում աշխարհի չեմպիոն էր 2006-ից մինչև 2015 թվականը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
ԱՄՆ-ի գործողությունները Հորմուզի նեղուցում փակուղի են. Արաղչի
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ