Ինչո՞ւ Արծրուն Հովհաննիսյանին չեն հրավիրում ԱԱԾ և հարցնում՝ ո՞վ էր քեզ խնդրում այս ստերը 44 օր ասել ժողովրդին. Գեղամ Նազարյան. (տեսանյութ)
ԱԱԾ-ն պետք է այլ գործառույթներ իրականացնի, ոչ թե հետապնդումներ սկսի այն մարդկանց նկատմամբ, որ մտահոգիչ գրառումներ են անում երկրում ստեղծված իրավիճակի վերաբերյալ: ԱԱԾ-ն պետք է Արծրուն Հովհաննիսյանի հարցաքննմամբ զբաղվի, ոչ թե «ֆեյք-ֆեյք» խաղա: Այս մասին Tert.am-ի հետ զրույցում ասաց քաղաքագետ Գեղամ Նազարյանը:
«Ինչու՞ ԱԱԾ-ն չի հրավիրում Արծրուն Հովհաննիսյանին և հարց տալիս՝ քեզ ո՞վ էր խնդրում այդ ստերը ասել: Ասա անունները այն մարդկանց, ովքեր 44 օր մեզ ֆեյք լուրերով պահեցին, իսկ հիմա այս հետպատերազմյան շրջանում ֆեյքերի բազմության հետևից են ընկել, և միթե՞ ԱԱԾ-ի հիմնական գործառույթը լինելու է «ֆեյք-ֆեյք» խաղալը, ԱԱԾ-ն ավելի լուրջ խնդիրներ չունի՞»,- ասաց Գեղամ Նազարյանը:
Գեղամ Նազարյանը հավաստիացրեց, որ այսօր ձերբակալվում են նրանք, ովքեր ակտիվ հակաքարոզչություն էին իրականացնում Ադրբեջանի նկատմամբ, այս ծիծաղելի մեղադրանքները ողբերգություն են մեզ համար:
«Երեկ Անժելա Էլիբեգովան շատ ճիշտ բնորոշեց, որ այսօր ձերբակալվեցին նրանք, ովքեր ակտիվ հակաքարոզչություն էին իրականացնում Ադրբեջանի և Ադրբեջանական իշխանության դեմ, բայց տեսեք այս պետության և վարչախմբի ռեպրեսիվ ապարատի ծիծաղելի մեղադրանքները, որոնք մեր երկրի համար ողբերգություն են: 44 օր պատերազմի ժամանակ մեզ կերակրում էին ստերով, ֆեյք նորություններով և պետական մակարդակով խաբեցին մարդկանց, անգամ խաբեցին Արցախում ապրողին, որը նայում էր այդ ֆեյք լուրերը՝ մտածելով՝ ինքը ապահով է»,-ասաց Գեղամ Նազարյանը:
Նա կոչ արեց Եվրամիության անդամ երկրներին ուշադրություն դարձնել այս իրավիճակներին և մարդու իրավունքների խախտմանը:
Հիշեցնենք, որ Կարեն Բեքարյանին մեղադրում են ռազմական դրության ռեժիմի պայմաններում տեղեկություններ տարածելու կանոնը խախտելու մեջ, նրան մեղադրում են պատերազմի ընթացքում կեղծ օգտահաշիվներով հրապարակումներ անելու համար:
Երևանի ընդհանուր իրավասության դատարանը՝ նախագահությամբ դատավոր Վարդան Գրիգորյանի, մերժեց «Քառյակ մեդիայի» համահիմնադիր, հասարակական-քաղաքական գործիչ Կարեն Բեքարյանին կալանավորելու վերաբերյալ Ազգային անվտանգության ծառայության միջնորդությունը:
Հիշեցնենք, որ դատարանը նույն մեղադրանքով 2 ամսով կալանավորել է ԱԺ աշխատակազմի նախկին ղեկավար Արա Սաղաթելյանին:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա