Այս խեղկատակության դեմքերը երկրի ԱԱԾ-ն վերածել են կրկեսի. Միհրան Հակոբյան (տեսանյութ)
ԱԱԾ կոչվող կրկեսը դատական համակարգի իրենց որոշ գործակալների, ենթադրյալ գործակալների, կամակատարների, մարդկանց միջոցով ձերբակալել է 4 մարդու․այս մասին լրագրողների հետ զրույցում ասաց քաղաքական գործիչ, «Քառյակ մեդիայի » համահիմնադիր Միհրան Հակոբյանը՝ անդրադառնալով Արա Սաղաթելյանի, Կարեն Բեքարյանի, Մհեր Ավագյանի և Արամ Սարգսյանի ձերբակալություններին:
Նրանք ձերբակալվել են Քրեական օրենսգրքի 226-րդ (կազմակերպված խմբի կողմից ազգային, ռասայական կամ կրոնական թշնամանք հարուցելը), 2262 -րդ (կազմակերպված խմբի կողմից բռնություն գործադրելու հրապարակային կոչերը, բռնությունը հրապարակայինորեն արդարացնելը կամ քարոզելը), 3074 - րդ հոդվածների (ռազմական դրության իրավական ռեժիմի ընթացքում տեղեկությունների հրապարակման կամ տարածման կանոնները խախտելը) հատկանիշներով:
Միհրան Հակոբյանի խոսքով, ըստ հրապարակված որոշ տեղեկությունների՝ կան դատավորներ, օրինակ՝ 3 երեխայի հորը որպես խափանման միջոց կալանք նշանակած դատավորին, նույն ԱԱԾ-ն տարիներ առաջ գաղտնանկարել է թմրանյութ օգտագործելիս:
«Դա դեմ են տվել տվյալ դատավորին ու դարձրել իրենց գործակալն ու կամակատարը: Հիմա ամբողջ երկրագունդը կարող է հետևել ու տեսնել, որ 4 անձ ձերբակալված է հայտնի ֆեյքի գործով, որը ինչ-որ տեքստեր է հրապարակում, մարդիկ ձերբակալված են, բայց այդ ֆեյքը շարունակում է գրել նույն տեքստերը, նույն բառապաշարով։ Երևի բոլորն են հասկանում, որ այդ ֆեյքը ծաղրում է այս գործընթացի մեջ ներգրավված բոլոր խեղկատակներին, և այս խեղկատակության դեմքերը երկրի ԱԱԾ-ն վերածել են մի «Շապիտո կրկեսի»,- ասաց Հակոբյանը։
Մանրամասները՝ տեսանյութում։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է