Ռուս հայտնի երգիչը պատմել է, թե ինչպես է դասղեկը նախատել «էժան» հագուստի համար

Ռեփեր NILETTO-ն (Դանիլ Պրիտկովը) պատմել է, որ իր ընտանիքը մշտապես խնդիրներ է ունեցել գումարի հետ, եւ ինքը չի կարողացել իրեն թույլ տալ թանկարժեք հագուստ գտնել, ինչի հետեւանքով իրեն մի անգամ նախատել է դասղեկը։ Պրիտկովն այդ մասին հայտնել է YouTube-յան «вМесте» շոուի ընթացքում։

Մի անգամ մանկավարժը դպրոցականին տարել է դասարանի մեջտեղ ու ասել. «Նայեք, այսպես չի կարելի հագնվել»։ Երաժիշտը հավելել է, որ այդ իրավիճակի պատճառով դասղեկի հետ լրջորեն վիճել է մայրը։

Երգիչը նաեւ նշել է, որ արտաքինի հետ խնդիրներ չի ունեցել, քանի որ միշտ լավ ֆիզիկական վիճակում է եղել։ Ընդ որում, նրան հուզել է ընտանիքի նյութական վիճակը, քանի որ գեղեցիկ հագուստ գնելու համար գումարը չի բավարարել։ «Եթե հարկավոր էր դպրոցի համար կոշիկ կամ տաբատ գնել, մենք շուկա էինք գնում։ Ես այդ կրպակում փորձում էի, եւ մայրիկը գնում էր, ընդ որում, նույնիսկ չես հասկանում՝ արդյոք այդ իրը քեզ դուրս է գալիս, թե ոչ»,- հիշել է NILETTO-ն։