Հրետանային մարտեր շփման գծում

Արդեն սովորական է դարձել, որ հայկական եւ ադրբեջանական կողմերը միմյանց մեղադրում են հրադադարի ռեժիմը խախտելու մեջ:

Հայկական կողմը մեղադրում է Ադրբեջանին, իսկ Բաքուն՝ հայկական կողմին: Արդյունքում, ըստ երկու կողմերի հաղորդագրությունների, ընթանում է հրետանային մարտեր: 

Ադրբեջանցիները տեղեկացնում են, թե հայկական կողմն օգտագործել է 60 եւ 82 մմ-անոց ականանետեր, գնդացիրներ եւ 122 մմ-անոց հաբիցներ:

Հայկական կողմն էլ շեշտում է, թե ադրբեջանցիները կիրառել են 85 մմ-անոց ականանետներ եւ արձակել 46 արկ, որից 22-ը հրետանու միջոցով, իսկ մնացածը՝ ականանետերով:

 Իսկ երկու կողմերի հասարակությունները լռում է, լռում են նաեւ համանախագահները:

Փետրվարի 8-ին՝ ժամը 11:00-ի սահմաններում, ՊԲ հյուսիսային ուղղությամբ տեղակայված զորամասերից մեկի պահպանության տեղամասում, հակառակորդի կողմից հրադադարի ռեժիմի խախտման արդյունքում, մահացու վիրավորում է ստացել ՊԲ պայմանագրային զինծառայող, 1979թ. ծնված Գեղամ Հենրիկի Մանուկյանը:
Դեպքի մանրամասները պարզելու համար կատարվում է քննություն:

ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում զոհված զինծառայողի ընտանիքի անդամներին, հարազատներին և ծառայակիցներին:

Նույն օրը հակամարտ զորքերի շփման գծի մեկ այլ (Մարտակերտ) ուղղությամբ ժամը 12:00-ի սահմաններում, կրկին հակառակորդի կողմից հրադադարի ռեժիմի խախտման արդյունքում, ծանր վիրավորում է ստացել ՊԲ ժամկետային զինծառայող, 1988թ. ծնված Կորյուն Կամոյի Կիրակոսյանը:

Կատարվում է քննություն:

Top-News.am