Կա գաղտնի փաստաթուղթ. Թուրքիան պատրաստվում է գրավել Սյունիքը. ԱԺ պատգամավոր

Փոխվարչապետ Տիգրան Ավինյանի` ԱԺ-ում հնչեցրած պատասխանից կարող եմ ենթադրել, որ այո, կա երկկողմանի, այն է՝ Ալիև- Փաշինյան գաղտնի փաստաթուղթ, բացի նոյեմբերի 9-ի և հունվարի 11-ի փաստաթղթից։ Այս մաիսն «Փաստինֆո»-ի եթերում ասել է ԱԺ «Լուսավոր Հայաստան» խմբակցության պատգամավոր Կարեն Սիմոնյանը` արձանագրելով, որ Ավինյանը նման փաստաթղթի առկայությունը չի հերքել:

Պատգամավորը տեղեկացրել է, որ պատրաստվում է գրավոր հարցում ուղարկել ու արդյունքների մասին տեղեկացնել հանրությանը։ «Սյունիքը շարունակում է մնալ Թուրքիայի թիրախում, Կարսի զորվարժությունների ընթացքում նույնիսկ օգտագործվեցին հատուկ լեռնային պայմաններում կիրառելի զինատեսակներ, ինչի՞ է պատրաստվում Թուրքիան այդ դեպքում: Մենք որպես պետություն գիտակցո՞ւմ ենք սպառնալիքը, թե դարձյալ ջայլամի նման գլուխներս թաքցրել ենք ավազի մեջ ու սպասում ենք, դե մեր կողքով կանցնի և այդ վտանգը մեզ չի դիպչի», - նշել է պատգամավորը։

Ըստ պատգամավորի` Թուրքիան պատրաստվում է գրավել Սյունիքը, և այդ վտանգը որևէ մեկը չի կասեցրել: Ավելին` թուրքական բանակային ամենամեծ կորպուսն այսօր կանգնած է ՀՀ-ի սահմանների մոտ։

Մանրամասները՝ տեսանյութում։