Դավաճանության հարցով վաղեմության ժամկետ չկա

Նիկոլ Փաշինյանի ու իր թիմակիցների հակապետական, դավաճանական, մեր երկրի սահմանները հօգուտ թշնամու վերաձևման գործողությունների ֆոնին հիշեցնեմ 3 բան։ Հաստատ պետք է գալու։

1․ ՀՀ սահմանադրություն, հոդված 14՝ «Զինված ուժերը եւ պաշտպանությունը», կետ 1–ին․

«Հայաստանի Հանրապետության զինված ուժերն ապահովում են Հայաստանի Հանրապետության պաշտպանությունը, անվտանգությունը, տարածքային ամբողջականությունը եւ սահմանների անձեռնմխելիությունը»։

2․ ՀՀ քրեական օրենսգիրք, հոդված 299՝ «Պետական դավաճանությունը», կետ 1–ին․

«Պետական դավաճանությունը՝ թշնամու կողմն անցնելը, լրտեսությունը, օտարերկրյա պետությանը կամ օտարերկրյա կազմակերպությանը կամ դրանց ներկայացուցիչներին պետական գաղտնիք հանձնելը կամ թշնամական գործունեություն իրականացնելու համար այլ օգնություն ցույց տալը, որը կատարել է Հայաստանի Հանրապետության քաղաքացին՝ ի վնաս Հայաստանի Հանրապետության ինքնիշխանության, տարածքային անձեռնմխելիության կամ արտաքին անվտանգության՝ պատժվում է ազատազրկմամբ՝ տասից տասնհինգ տարի ժամկետով՝ գույքի բռնագրավմամբ կամ առանց դրա»։

3․ ՀՀ քրեական օրենսգիրք, հոդված 300.2՝ «Տարածքային ամբողջականությունը խախտելուն ուղղված գործողությունները»․

«Տարածքային ամբողջականությունը խախտելուն` բռնություն գործադրելու կամ բռնություն գործադրելու սպառնալիքի միջոցով Հայաստանի Հանրապետության տարածքի մասը առանձնացնելուն կամ Հայաստանի Հանրապետության տարածքը կամ դրա մասը այլ պետությանը հանձնելուն ուղղված գործողություններ կատարելը` պատժվում է ազատազրկմամբ` տասից տասնհինգ տարի ժամկետով»։