Ադրբեջանցիների ահ ու սարսափը միշտ եղել են Մոնթեն, Ռոբերտ Քոչարյանը, Սերժ Սարգսյանը․․․ Անժելա Էլիբեգովա (տեսանյութ)
«Պատերազմից հետո տեսնում ենք, որ հանրության ինքնապաշտպանական բնազդները, զգոնությունը հետևողականորեն բթացվում են և ներմուծվում են թեզեր, մտքեր, գաղափարներ, որոնք մեզ համար խորթ են»,- «Հայելի» ակումբում ասուլիսի ժամանակ ասաց ադրբեջանագետ Անժելա Էլիբեգովան՝ շարունակելով.
«Ադրբեջանական և թուրքական քարոզչության հիմնական թեզերը, որոնք մենք տարիներ շարունակ մերժել ենք, հերքել ենք և այդ ապատեղեկատվության դեմ պայքարել ենք նույնիսկ միջազգային հարթակներում, այսօր մեզ փորձում են հրամցնել մեր իսկ իշխանությունները: Սկսենք՝ Շուշին Շուշա անվանելու անընդունելի ձևակերպումներից, վերջացրած այն հարցադրումներով, թե արդյոք Շուշին հայկակա՞ն է, թե՞ ոչ:
Այսինքն, ինչ-որ մեկի մոտ կարող է այդպիսի հարց առաջանա՞լ: Եվ խոսել սովետական դեմոգրաֆիական իրավիճակի մասին ու չասել, որ այդ դեմոգրաֆիական իրավիճակը 1920թ. հայերի ջարդերի արդյունք է, դա ապազգային քաղաքականության դրսևորում է: Ադրբեջանն այդ կոնտեքստը վերցնում, տարածում է իր մոտ ու ասում է՝ տեսեք, Հայաստանի ղեկավարությունը մեր թեզերով է առաջնորդվում, կրկնում է այն, ինչ մենք տարիներ շարունակ ասում ենք. տեսե՛ք, իրենք մեզ հետ համաձայն են: Պատկերացրեք, այս իշխանությունը գնաց, դատվեց, նստեց, իրենց ինչ-որ մի տեղ կորցրեցինք, բայց մենք մնում ենք, շարունակում ենք ապրել: Ադրբեջանի հետ տեղեկատվական պատերազմը չի ավարտվել, և այդ մարդիկ շարունակելու են միջազգային հարթակներում ամեն անգամ մեզ ցույց տալ Նիկոլ Փաշինյանի և իր շրջապատի անհեթեթ ինչ-որ մեկնաբանություններ: Որևէ գիտակից, պատմություն իմացող, արժանապատվություն ունեցող հայ չի կարող ընդունել նման թեզեր և առաջնորդվել դրանցով ու ասել՝ դե լավ, եթե ադրբեջանցիներ են ապրել, ուրեմն ադրբեջանական է»:
Ադրբեջանագետը շեշտեց՝ հանրության լայն շրջանակները պատրաստվում են հաջորդ պատերազմին, որովհետև հասկանում են՝ Ադրբեջանն այսքանով չի սահմանափակվելու:
«Ադրբեջանը ռազմական բյուջեն է ավելացնում, զորավարժություններ են անում, ռազմական համագործակցության նոր պայմանագրեր է փորձում ստորագրել: Վաղուց արդեն ադրբեջանցին և Ադրբեջանն այն չեն, ինչ դուք հիշում եք՝ Սովետական Միության կեղծ օրակարգի շրջանակներում ապրելով»,- շեշտեց Անժելա Էլիբեգովան:
Բանախոսը նշեց՝ անհեթեթություն է այն, որ ճանապարհների ապաշրջափակման արդյունքում Հայաստանն ինչ-որ տնտեսական շահ է ունենալու:
«Ադրբեջանն ու Թուրքիան որևէ պարագայում, երբեք թույլ չեն տալու, որ Հայաստանը կարողանա տնտեսական ինչ-որ շահ ունենալ, կարողանա վերականգնել տնտեսությունը, ուժեղանալ,անվտանգությունն ավելի ամրացնել: Հակառակը, հնարավորինս փորձելու են քամել մեր տնտեսությունը, վերջնականապես սպանել և խեղդել»,- ընդգծեց Անժելա Էլիբեգովան՝ հավելելով, որ Ալիևին օդ ու ջրի պես անհրաժեշտ է, որ ՀՀ ներկայիս իշխանությունները մնան, որոնք փաստացի կատարում են Ադրբեջանի բոլոր պահանջները:
Ինչ վերաբերում է Ադրբեջանում սպասվող զարգացումներին՝ ադրբեջանագետը հայտնեց, որ այնտեղ դեպրեսիան կգա հետո՝ կես կամ մեկ տարի հետո, երբ սոցիալական խնդիրները մնան չլուծված, և մարդիկ հասկանան, որ հողերը, որ Ադրբեջանը ժամանակավոր օկուպացրել է, ներդրումներն իրենց գրպանից են գնալու:
«Ադրբեջանը փորձում է դրսից բերել ինչ-որ ներդրումներ, բայց այդ ամենի համար Ալիևը պետք է գլխով պատասխանի, տա ինչ-որ երաշխիքներ: Իսկ ռազմական գոտում ներդրողին տալ երաշխիքներ՝ բարձր է լինելու: Պատկերացրեք, Աղդամը զրոյից պետք է վերակառուցել, որպեսզի վերաբնակեցվի, և այսպես բոլոր շրջաններում, ինչի գումարն Ադրբեջանը չունի: Հողը նվեր ստացան, բայց չունեն գումար՝ արագ վերականգնել այն: Կամ՝ Ադրբեջանը կիսատ-պռատ փորձելու է ժամանակավոր ինչ-որ ավաններ, գյուղեր կառուցել, որտեղ ստիպողաբար բերելու է լցնի ինչ-որ քանակությամբ մարդկանց, որոնք այնտեղից շատ արագ կգնան, որովհետև շուրջը ոչինչ չկա, կամ երկարաժամկետ պլան պետք է լինի, որ 10 տարուց վերաբնակեցնի: Բաքվի քիչ թե շատ բարեկեցիկ կյանքից հետո վերադառնալ անհասկանալի տեղ, ռազմական գոտում անընդհատ նոր պատերազմի վտանգի տակ ապրել, չեմ կարծում, որ շատերը կուզեն: Հիմնական խնդիրն այն է, որ նրանք, ովքեր փախստականի կարգավիճակ ունեն և կհրաժարվեն վերադառնալ՝ նրանց բոլոր արտոնություններից զրկելու են: Մեծ մասը փորձելու է արտագաղթել Ադրբեջանից: Այստեղ կարևոր է մեր աշխատանքը, որպեսզի շուտ չվերադառնան: Կարևոր է, որ այնտեղ բնակեցվեն սիրիացի վարձկանները: Ցավոք, մեր երկրում պետական մակարդակով ոչ մեկը չի պատրաստվում այդ խնդրով զբաղվել՝ բացի ՄԻՊ-ից: Միջազգային հանրությանը պետք է բացատրենք, որ Ադրբեջանը հրահրել է պատերազմ, կիրառել է արգելված զինատեսակներ, գործել է ռազմական հանցագործություններ»,- ասաց Անժելա Էլիբեգովան:
Ադրբեջանագետն անդրադարձավ նաև գերիների հարցին՝ նշելով. «Հայկական կողմում անհասկանալի պատճառներով քիչ էին ադրբեջանցի գերիները, և կարծում եմ՝ այդ հարցի պատասխանը կստանանք քննության արդյունքում, թե ինչու հայկական կողմը չէր վերցնում ադրբեջանցի գերիներ, կամ արդյո՞ք չէր ստացվում գերի վերցնել: Մենք ռուսական կողմից ենք իմանում, որ ադրբեջանցի գերիներ են հայտնվում Հայաստանում, իսկ նրանց առանց նախապայմանների հանձնում ենք: Այնինչ, 200-ից ավելի մեր գերիների մասին է խոսք գնում»:
Անժելա Էլիբեգովան հայտնեց նաև, որ ադրբեջանցիների ահ ու սարսափը միշտ եղել են Մոնթեն, Ռոբերտ Քոչարյանը, Սերժ Սարգսյանը, և դրանով է պայմանավորված, որ Ալիևը դեռահասի վարք է դրսևորում, ոտքով ցուցանակ է կոտրում, և այլն:
Եվրամիությունը չի հասկանում Իրանում պատերազմի նպատակները. Կալաս
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Այլ երկրի կողմից մեկ ուրիշ երկիր զորքերի ուղարկումը «շատ նենգ, անխոհեմ և անօրինական» գործողություն է
Գվարդիոլան արդեն այնքան հանդիպումներ է անցկացրել, որ ես չեմ համարձակվի նրան խորհուրդներ տալ