Ջո Բայդենը Սերբիայի նախագահին ուղղված նամակում նշել է Կոսովոյի անկախությունը ճանաչելու անհրաժեշտության մասին
ԱՄՆ նախագահ Ջո Բայդենը շնորհավորել է Սերբիային Պետականության օրվա գալիք տոնի առթիվ՝ նշելով բարեփոխումների եւ Կոսովոյի անկախությունը ճանաչելու անհրաժեշտությունը Սերբիայի նախագահին ուղղված նամակում, հաղորդում է ՏԱՍՍ-ը:
«Ամերիկայի ժողովրդի անունից սրտանց շնորհավորում եմ ձեզ եւ ձեր համաքաղաքացիներին փետրվարի 15-ին Պետականության օրվա առթիվ: Նկատի ունենալով մեր երկրների միջեւ 140-ամյա գործընկերությունը՝ Միացյալ Նահանգները մնում են հակված երկարաժամկետ տնտեսական համագործակցության, տարածաշրջանային կայունության ու ժողովրդավարական արժեքների զարգացման հարցերում: Մենք կշարունակենք հավատարիմ մնալ Սերբիային աջակցելու հարցում եվրոպական ինտեգրման կապակցությամբ եւ կսատարենք ձեզ այդ նպատակին հասնելու ընթացքում հետագա բարդ քայլերում՝ ներառյալ անհրաժեշտ բարեփոխումների իրագործումն ու Կոսովոյի հետ համապարփակ համաձայնագրի ստորագրումը, որը կենտրոնացած կլինի համատեղ ճանաչման վրա»,-ասված է Բայդենի նամակում:
Ամերիկայի նախագահը նաեւ հիշատակել է Առաջին եւ Երկրորդ համաշխարհային պատերազմներում Վաշինգտոնի եւ Բելգրադի դաշնակցության մասին, ինչպես նաեւ կորոնավիրուսի դեմ պայքարում համագործակցության մասին՝ շեշտելով երկու երկրների բարեկամական կապերի խորացումը:
Ի պատասխան՝ Սերբիայի նախագահ Ալեքսանդր Վուչիչը կիրակի հայտարարել է, որ Կոսովոյի ճանաչման հարցում Բելգրադի դիրքորոշումը պարզ է, սակայն Բելգրադը պետք է հոգ տանի իր սեփական պետական շահերի մասին եւ չտրվի էմոցիաներին:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Հայ-վրացական գազատարը Հայաստանի խնդրանքով կտեղափոխվի
Երևանը միանում է «Երկրի ժամ» համաշխարհային բնապահպանական նախաձեռնությանը