«Սա պատերազմ չէր, այլ սպանդանոց, դիտավորյալ պարտություն»․ Վազգեն Մանուկյան (տեսանյութ)
«Այս պատերազմում Ադրբեջանը պատրաստվում էր հաղթելու, մենք՝ պարտվելու։ Ինչո՞ւ եմ այդպես ասում, որովհետեւ 2018թ․-ից սկսվեց բանակի ջարդը։ Կոռուպցիայի անվան տակ սկսեցին տարբեր գեներալների ձերբակալել, աշխատանքից հանել»,-Արարատ այցի ժամանակ այսօր բնակիչների հետ հանդիպման ժամանակ հայտարարեց «Հայրենիքի փրկության շարժման» վարչապետի թեկնածու Վազգեն Մանուկյանը։
«Կոտրեցին Արցախի ղեկավարությանը, դուրս մղեցին գեներալներին, եւ բանակի ներսում արդեն անվստահություն ընկավ»,-նշեց Վազգեն Մանուկյանը։ Պարտության տանող մյուս քայլը, ըստ Վազգեն Մանուկյանի, ԱԹՍ-ների դեմ պայքարին չպատրաստվելն էր, երբ դեռեւս նախորդ իշխանության օրոք սահմանված գնումների փոխարեն գնվեցին «խաղալիք-ինքնաթիռները»։
«Պատերազմի ժամանակ դրանք այդպես էլ չօգտագործվեցին։ Պատերազմի ժամանակ Ֆրանսիան մեզ առաջարկեց, որ կարող է զենք տրամադրել։ Մենք հրաժարվեցինք։ Նորից առաջարկվեց, հրաժարվեցինք։ Կազմակերպեցին ջոկատներ, ինչից մենք հրաժարվել էինք, ՄՈԲ ռեսուրսին տանում էին անտառներ եւ առանց հրամանատարի՝ թողնում-գնում։ Սա պատերազմ չէր, այլ սպանդանոց, դիտավորյալ պարտված պատերազմ»,-համոզմունք հայտնեց Վազգեն Մանուկյանը։
Ըստ նրա՝ գաղտնի բանակցություններ էին տարվում, որոնց արդյունքում Շուշին ոչ թե ընկավ, այլ հանձնվեց թշնամուն։
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Մակրոնը և Սթարմերը Ուկրաինայի հարցով հանդիպում են հրավիրել
ԱՄՆ-ի գործողությունները Հորմուզի նեղուցում փակուղի են. Արաղչի
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա