Փորձագետը նշել է Հայաստանի համար ռիսկերը Ադրբեջանի հետ հաղորդակցություններն ապաարգելափակելու դեպքում
Հայաստանի, Ռուսաստանի եւ Ադրբեջանի ստորագրած հայտարարության մեջ նշվում է միայն, որ Ռուսաստանն ապահովում է Ադրբեջանից Նախիջեւան ճանապարհների անվտանգությունը, սակայն ոչ ոք չի խոսում Հայաստանից Ադրբեջանի տարածքով ճանապարհների անվտանգության երաշխիքների մասին: Այս մասին այսօր՝ հունվարի 15-ին, լրագրողների հետ հանդիպման ժամանակ ասաց ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը:
Նա նկատեց, որ խոսակցություններ կան, որ Հայաստանը Ադրբեջանի տարածքով երկաթուղային հաղորդակցության հնարավորություն կունենա, եւ խոսքը Երեւան-Մեղրի-Բաքու-Ռուսաստան երկաթգծի մասին է, սակայն խոսք չկա ավելի շահավետ ՝ Իջեւանի եւ Ղազախի միջով ուղղության մասին: «Երկու դեպքում կպահանջվեն լուրջ ներդրումներ մի քանի հարյուր մլն դոլարի չափով: Այդ ֆոնին Ադրբեջանին հետաքրքրում է Մեղրիի միջով ավտոմոբիլայի ճանապարհի արագ կառուցումը, որն ավելի շահավետ կլինի, քան Հայաստանի համար երկաթգիծը: Բացի այդ, ո՛չ Ադրբեջանը, ո՛չ Իրանը տնտեսական տեսանկյունից շահագրգռված չեն Նախիջեւանի միջով երկաթուղային բեռնափոխադրումների հարցում»,-հավելեց փորձագետը:
Ինչ վերաբերում է Հայաստանի եւ Ադրբեջանի միջեւ տնտեսական փոխգործակցութանը, ինչպես հիշեցրեց Պարսյանը, ադրբեջանական տնտեսությունն 90 տոկոսով կախված է նավթից, իսկ մնացած մասը՝ գյուղատնտեսությունից, որը, հաշվի առնելով էներգակիրների ավելի ցածր գները, ավելի մրցակցային է: «Դա հարված կհասցնի տեղական արտադրողներին: Նախքան նման քայլերի դիմելը պետք է բիզնեսին նախապատրաստել, օրինակ, արտոնությունների ճանապարհով: Բացի այդ, պետք է ապահովել երկարաժամկետ կանխատեսելիությունը»,-եզրափակեց Պարսյանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...