Լիբանանում կորոնավիրուսի կապացկությամբ քաղաքացիական մոբիլիզացիայի ռեժիմը երկարաձգվել է մինչեւ մարտի 31-ը

Լիբանանի նախագահ Միշել Աունը ստորագրել է հրաման մինչեւ 2021 թվականի մարտի 31-ը համընդհանուր քաղաքացիական մոբիլիզացիայի ռեժիմը կորոնավիրուսի կապակցությամբ երկարաձգելու մասին: Այդ մասին ասվում է երկրի ղեկավարի մամուլի ծառայության տարածած հաղորդագրության մեջ, հաղորդում է ՏԱՍՍ-ը:

Այդ որոշումը պարտադրում է պետական կազմակերպություններին եւ մասնավոր ընկերություններին խստորեն պահպանել սանիտարահամաճարակային նորմերը: Քաղաքացիները պետք է պահպանեն սոցիալական հեռավորություն, կրեն պաշտպանիչ դիմակներ եւ ձեռնոցներ:

Իսկ խորհրդարանի առողջապահության հանձնաժողովի ղեկավար Ասեմ Արաջին կոչ է արել համընդհանուր կարանտին հայտարարել երկրորդ անգամ: «Մեկ օրում վարակվածների թվի աճը կազմել է 3 507, ինչն այլըտրանք չի թողնում»,-հայտարարել է նա:

Երկրի առողջապահության նախարարությունից հայտնել են, որ մեկ օրում ՊՇՌ թեստավորում է անցել 23 848 մարդ, ընդ որում՝ նրանց 13,5 տոկոսի մոտ դրական պատասխան է արձանագրվել: Կորոնավիրուսով հոսպիտալացված է 1 133 մարդ, որոնցից 454-ը գտնվում է ինտենսիվ թերապիայի բաժանմունքում, իսկ 138-ը միացված է ԹԱՕ սարքին: Առողջապահության նախարարի պաշտոնակատար Համադ Հասանը հայտարարել է, որ ակնկալում է, որ հունվարի 10-ին երկրում կորոնավիրուսի տարածումը կուժգնանա:

2020 թվականի փետրվարից ի վեր Լիբանանում կորոնավիրուս է հայտնաբերվել 183 888 մարդու մոտ, առողջացել է 127 959, մահացել՝ 1 479 պացիենտ: