Գալիք տարին լինելու է համեմատաբար ծանր, մեզ դեռ բազմաթիվ մարտահրավերներ են սպասվում. Կապանի քաղաքապետ
Կապան համայնքի ղեկավար Գևորգ Փարսյանը ֆեյսբուքի իր էջում գրել է.
«Սիրելի՛ կապանցիներ
Եվս մի քանի ժամ և մենք հրաժեշտ կտանք 2020 թվականին։ Ամփոփելով տարին չենք կարող չնշել, որ այն ամբողջ աշխարհի, և հատկապես, հայերիս համար եղավ ծանր ու դաժան տարի։ 2020 թվականը տարեսկզբին նշանավորվեց կորոնավիրուսային համավարակով պայմանավորված աննախադեպ մարտահրավերներով և մարդկային մեծ կորուստներով։ Այնուհետև դրան զուգահեռ հաջորդեց Արցախի և Հայաստանի ժողովրդի դեմ Ադրբեջանի կողմից սանձազերծված պատերազմը և նրա թողած ցավալի հետևանքները, որոնց մենք այսօր էլ ականատես ենք լինում։ Հստակ է, որ այսօրվա իրականությունը բոլորովին այլ է, մենք գտնվում ենք հետպատերազմյան խորը ճգնաժամի մեջ, ինչը պետք է ընդունենք որպես անհերքելի փաստ, բայց և միաժամանակ, հուսահատության գիրկը չընկնենք։
Պետք է գիտակցենք, որ կյանքը շարունակվում է՝ անկախ ամեն ինչից, անկախ նրանից թե որքան շատ են վատ իրադարձությունները, պետք է բռնենք համախմբման ճանապարհը, շարժվենք առաջ, անենք հնարավորն ու անհնարինը՝ վերագտնելով վաղվա անվտանգ օրվա հանդեպ վստահությունը։ Կարծում եմ բոլորս էլ քաջ գիտակցում ենք, որ գալիք տարին լինելու է համեմատաբար ծանր և դրա համար անհրաժեշտ է լինելու համառ աշխատել։ Այն պետք է լինի լիարժեք վերականգնման, արհավիրքի հաղթահարման, նոր իրողությունների պայմաններում՝ նոր ու ստեղծագործ քայլերի տարի։ 2020 թվականից մենք մեր հիշողության մեջ կպահենք միմիայն մարտական գործողությունների ժամանակ հայրենիքն իրենց կյանքով, առողջությամբ ու խիզախությամբ պաշտպանած տղաների սխրանքը։ Եվ 2021 թվական կմտնենք մեր պետության և բանակի շուտափույթ վերականգման ցանկությամբ։
Սիրելի՛ համաքաղաքացիներ
Առաջընթացի ճանապարհին մեզ դեռ բազմաթիվ մարտահրավերներ են սպասվում, և միայն մեր միասնականության, հանդուրժողականության, յուրաքանչյուրիս անհատական ներգրավածության և հավաքական ջանքի շնորհիվ կհասնենք ցանկալի արդյունքի։ Մեզնից է կախված թե ինչպիսին կլինի վաղվա օրը և գալիք տարին։ Մաղթում եմ, որ բոլորս հավատանք և վստահ լինենք մեր ուժերին, լիարժեք և արժանապատվորեն օգտագործենք մեզ տրված հնարավորություններն ու ներուժը, որպեսզի ապագան լինի ավելի անվտանգ և ավելի ապահով։ Թո՛ղ այս նոր տարին մեզ իրական ԽԱՂԱՂՈՒԹՅՈՒՆ, հավատ, համբերություն, պայքարի ՈՒԺ ու նոր ԿՅԱՆՔԵՐ բերի։
Շնորհավո՛ր Ամանոր և Սուրբ ծնունդ»։
Կանգնած ենք վարորդների կողքին
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա
Մի նոր փոդքաստ պարտադիր դիտման համար
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Իրանական կամպանիայի ամերիկյան ծախսերը կարող է հասնել 31 մլրդ դոլարի
Հօգուտ Դիլիջան համայնքի կբռնագանձվի 2 միլիոն 970 հազար դրամ
Անչափահասները շանտաժի սպառնալիքով՝ մեկ այլ անչափահասի հարկադրել են սեքսուալ բնույթի գործողություններ...
Ո՞վ է թիրախը՝ գյուղացի՞ն որ ուզում է ջերմոց ունենա, թե՞ ներդրողը, որ ուզում է ջերմոցային ցանց ստեղծի
Ալեն Սիմոնյանը և Վալենտինա Մատվիենկոն քննարկել են միջխորհրդարանական կապերին և երկկողմ օրակարգին վերա...