Xiaomi-ն՝ հետեւելով Apple-ի օրինակին, հրաժարվել է սմարթֆոնի լիցքավորիչից

Xiaomi-ն՝ հետեւելով Apple-ի օրինակին, հրաժարվել է սմարթֆոնի լիցքավորիչից: Այս մասին ընկերության ներկայացուցիչները հայտնարարել են դեկտեմբերի 28-ին Mi 11 սմարթֆոնների շնորհանդեսի ժամանակ, հաղորդում է Lenta-ն:

Ընկերության հայտարարության մեջ ասվում է, որ Mi 11 ֆլագմանական սարքերը կթողարկվեն պարզեցված հավաքածուով, որում կբացակայի լիցքավորիչի ադապտերը:

Xiaomi-ն դա բացատրել է էկոլոգիայի մասին հոգ տանելու որոշմամբ: Ընդ որում, ավելի վաղ չինական կորպորացիան ծաղրել է Apple-ին, որն աշնանը հայտարարել է, որ ադապտերը կվերանան iPhone-ների տուփից:

Xiaomi-ն հայտարարել է, որ առաջին գնորդները, որոնք ֆլագմանական սմարթֆոնի նախնական պատվեր են արել, ադապտերն անվճար կստանան: Լիցքավորիչի հզորությունը կկազմի 55 վատտ: