«Իմ համար զրո հանդիպում էր». Փաշինյանի ու անհետ կորած զինծառայողների ծնողների հանդիպումը ավարտվել է

Վարչապետ Փաշինյանը կառավարության շենքում ընդունել էր անհետ կորած զինծառայողներերի ծնողներին ու հարազատներին, որոնք երեկ շուրջ երեք ժամ բեռնատար ավտոմեքենաներով փակել էին Բաղրամյան պողոտան։

«Իմ համար զրո հանդիպում էր։ Ես իմ հարցերի պատասխանները չստացա այդպես էլ։ Այո, մեզ ընդունել էր Փաշինյանը։ Միայն ես չեմ խոսել , բոլոր ծնողներն էլ խոսել են, դրա համար ես բոլոր ծնողների անունից չեմ ասի, բայց անձամբ ես գոհ չեմ հանդիպումից, բավարված չեմ, ես նորից գնալու եմ թուրքերի հետ բանակցելու»,- ասաց անհետ կորած զինծառայողներից մեկի հորեղբայրը՝ Սերգո Գալստյանը։

Հարցին , թե բողոքի ակցիաները շարունակվելու՞ են , հետագայում ինչ գործողությունների են դիմելու, Գալստյանը պատասխանեց. «Դրա մասին արդեն եթերով չեմ կարող բարձրաձայնել»։