Կարգին Հայկոյի ծակ տաշտակը եւ հարյուր հազարավոր խաբված երեւանցիներ
Հայկ Մարությյանը, նույն ինքը Կարգին Հայկոն, որը Նիկոլ Փաշինյանի կամքով նստել է Երեւանի քաղաքապետի պաշտոնում եւ իրեն դասալիքի նման պահեց կորոնավիրուսային համավարակի ընթացքում, շարունակում է հաջողությամբ չկատարել նախընտրական խոստումները:
Հիշո՞ւմ եք Երեւանի տրանսպորտային ցանցը փոխելու, այն շքեղ եւ ժամանակակից ավտոբուսներով համալրելու խոստումը: Եթե հիշում եք, ապա ձեր հիշողությունը խնդիր ունի, քանի որ պարզվում է, որ տրանսպորտային ցանցը կատարելագործելու մասին խոսք անգամ չի եղել, իսկ ներկրվելու է ոչ թե ժամանակակից ավտոբուս, այլ ... մոտ հարյուր «Գազել»:
Հիմա արդեն կարող ենք կասկածել, որ նույնիսկ հարյուր «Գազել» չի ներկրվելու: Եւ այստեղ ինչպես չհիշես Կարգին Հայկոյի մասնակցությամբ հումորային հաղորդումներից մեկը, որտեղ հերոսն ասում է, ինչու իջանք մեր «ԿամԱԶ»-ից եւ նստեցինք այս մոտոն, մեզ համար հանգիստ գնում էինք:
Իսկապես, առանց այդ հարյուր «Գազել» միկրոավտոբուսների էլ քաղաքը լեցուն է դրանցով: Հիմա կասեք, թե գործողները հին են ու մաշված: հարցրեք նույն «Գազել»-ների վարորդներին եւ նրանք ձեզ կբացատրեն, որ այս ավտոմեքենաները շահագործումից կես տարի անց վերածվում են հին ավտոմեքենայի:
Երեփւանցին խաբված է եւ դեռ լռում է:
Հիշում եք վերելակները փոխելու խոստումը: Մի պահ փորձեցին այն փաթաթել երեւանցիների վզին, իսկ երբ տեսան չի ստացվում, որոշեցին «քերել» բյուջեն եւ 500 վերելակ տեղադրեն, առանց երկար մտածելու: Եթե վերելակների տեղադրումը պետք է լիներ այլ ծրագրերի, գործերի չկատարման հաշվին, ապա այդպես կարող էին անել նաեւ նախկին իշխանությունները: Բացի այդ, վերելակը միայն տեղադրելով չէ, այն նաեւ պետք է սպասարկել, բայց ինչպես վկայում են լավատեղյակ աղբյուրները, 2019թ. տեղադրված մոտ քսան վերելակներն արդեն խնդիրներ ունեն, լուրջ խնդիրներ:
Երեւանցին խաբված է եւ դեռ լռում է:
Վարդան Մխիթարյան
Top-News.am
Հրդեհ՝ Կոտայքի մարզում․ Գետամեջի թռչնաֆաբրիկայում առաջացած կրակը տեսանելի է մի քանի կիլոմետրից
Ռոմանոս Պետրոսյանը ՀԷՑ-ում կադրային ջարդ է սկսել
Սոնա Մնացականյանին վրաերթի գործով մեղադրյալը մեղավոր ճանաչվեց
Թրամփը հայտարարել է, որ թույլ կտա ԱՄՆ ժամանած ուկրաինացիներին մնալ երկրում մինչև պատերազմի ավարտը
Եթե ավագանու մանդատի հետ համատեղելի առաջարկ լինի կհամաձայնեմ, նախարար նշանակվելու լուրերը հերքում եմ...
Արբիտրաժային դատարանում Հայաստանի դեմ շուրջ 1,5 մլրդ դոլարի հայցապահանջ կա
«Շատ գազ չտաք». Ի՞նչ է հրահանգել թիմակիցներին Նիկոլը արձակուրդ գնալուց առաջ
Թուրքիան կարող է ՌԴ-ին հանձնել «Կրոկուսի» ահաբեկչության գործով հետախուզվող բոլոր անձանց
Կամչատկայում երկրաշարժի ժամանակ վիրաբույժները «գրկել են» պացիենտին, մինչ շուրջն ամեն ինչ ցնցվում էր ...
Երևանում «Mini Cooper»-ը հարվածել է կայանված «Nissan»-ին, վերջինը կողաշրջվել է