Պատվաստանյութի համար բանակցություններ ենք սկսել թե արտադրողների, թե հավաքական գնորդների հետ. Արսեն Թորոսյան
Այս թեմայով
- «Ռեանիմացիոն» 1 պացիենտի համար միջինը մոտ 1 մլն դրամ է ծախսվում. Արսեն Թորոսյան
- Ձեր սրտի նախարարի ամենատևական աշխատավայրը եղել է «Իրական աշխարհ, իրական մարդիկ» ՀԿ-ն, որը Սորոսի գրասենյակից ստացել է 232.857$
- Ցինիզմ և ոչ ադեկվատ վարքագիծ. Արմեն Մուրադյանը փակագծեր է բացում
- Արսեն Թորոսյան՝ մեր օրերի շվոնդերներից մեկը
Պատվաստանյութի մշակումը եւ դեղորայքի մշակումը երկու տարբեր պրոցեսներ են, որոնք գուգահեռաբար ընթանում են աշխարհում: Այս մասին, այսօր՝ հուլիսի 7-ին, լրագրողների հետ հանդիպման ժամանակ նշեց ՀՀ առողջապահության նխարար Արսեն Թորոսյանը:
«Մենք երկուսով էլ գործողություններ ենք իրականանացնում: Որպես օրինակ «Ռեմդեսիվիրի» խմբաքանակ ենք գնել, որը մոտավորապես 10 օրից Հայաստանում կլինյի, ռուսական «աֆրիվավիրի» բանակցություններն ենք տանում, ինչպես նաեւ ճապոնական եւ ռուսական ֆավիպիվավիրի բնակցություններ ենք տանում: Ճապոնակաինից արդեն ստացել ենք, շուտով կսկսվի օգտագործվել»,-ասաց նա:
Նախարարը հավելեց, որ այլ է իրավիճակը պատվաստանյութերի մասով. «Աշխարհում այս պահին մշակվում է մոտ 200 պատվաստանյութ, որոնցից մոտ 20-ը մեծ շանս ունենք դառնալու վերջնական պրոդուկտ: Փոխզիջումային մի իրավիճակ կա, եւ հանրային առողջապահության մասնագետները համարում են, որ պատվաստանյութ լինելու է: Այդ համոզումը շատ կարեւոր է, սկզբում այդ համոզումը չկար: Դրա համար արդեն երկրները քննարկում են ապագա պատվաստանյութի գնման հարցերը: «Մոդերնա» ընկերության պատվաստանյութը ամենահավանական պրոդուկտերից մեկն է: Կան ավելի խոշոր արտադրողների կողմից պատվաստանյութերը: Այդ ընկերությունների հետ բանակցությունները գնում են, բայց դրանք շատ նախնական են: Այստեղ լ ապագա պրոդուկտների վաճառքի հարցում անորոշությունները շատ մեծ են: Օրինակ, շատ երկրներ գնելով դեռեւս չհաստատված պատվաստանյութի մեծ խմբաքանակներ, ստեղծելու են իրավիճակ, որ մյուս երկրների դա հասանելի չի լինելու: Մրցավազքի նման մի բան կա:
Մենք որոշել ենք առնվազն սկսել այդպիսի խոսակցություններ արտադրողների հետ, որոնցից մեկի մասին խոսեցի, այնպես էլ հավաքական գնորդների հետ, ինչպիսիք են ՅՈՒՆԻՍԵՖ-ը, ԱՀԿ-ն, Գավին, որոնք կարող են միանգամից 100 երկրի համար գնել խմբաքանակ եւ հավասար բաշխել: Միայն պատվաստանյութի առկայությունն է մեզ թույլ տալու վերադառնալ բնականոն կյանքի՝ առանց դիմակների»,-ընդգծեց Թորոսյանը: