Թուրքիայի կուսակցություններն արձագանքել են Դինքի այրուն և հիմնադրամին հասցեագրված սպառնալիքներին
Թուրքիայի քաղաքական կուսակցություններն արձագանքել են Հրանտ Դինք հիմնադրամին և անձամբ Դինքի այրուն՝ Ռաքել Դինքին հասցեագրված սպառնալիքներին:
Ընդդիմադիր Ժողովրդա-հանրապետական կուսակցության նախագահ Քեմալ Քըլըչդարօղլուն տեղի ունեցածի առիթով հեռախոսազրույց է ունեցել Ռաքել Դինքի հետ: Ժողովուրդների Դեմոկրատական կուսակցության համանախագահ Միթհադ Սանջարը իր զորակցությունն է հայտնել Դինք հիմնադրամին:
Նոր հիմնադրված «ԴԵՎԱ» կուսակցության նախագահ Ալի Բաբաջանը իր թվիթերյան էջում գրել է. «Հրանտ Դինք հիմնադրամին ուղղված սպառնալիքները խտրականությունը խրախուսող քաղաքական մթնոլորտի արդյունքն են: Բոլոր հատվածներին պաշտպանելու ենք խտրականությունից և այլատյացությունից: Ռաքել Դինքի և հիմնադրամի աշխատակիցների կողքին ենք»:
Քաղաքականություն վերադարձած «Ապագ» կուսակցության հիմնադիր Ահմեդ Դավութօղլուն կնոջ՝ Սարե Դավութօղլուի հետ միասին զանգահարել են Դինքի այրուն և իրենց բարեմաղթանքները հղել: Կուսակցության կողմից ևս հայտարարություն է տարածվել: Թուրքիայում գործող 9 հասարակական կազմակերպություններ միասնական հայտարարություն են հրապարակել և դատապարտելով այս դեպքը՝ աջակցություն հայտնելով հիմնադրամին:
Նախօրեին Հրանտ Դինք հիմնադրամը հայտարարություն էր տարածել առ այն, որ մայիսի 27-28-ին հիմնադրամի էլեկտրոնային հասցեին սպառնալիքներ պարունակող նամակ է ստացվել: Հիմնադրամի տնօրինությունը դեպքի մասին գրավոր տեղեկացրել էր ոստիկանություն և Ստամբուլի նահանգապետարան: Դեպքի առնչությամբ գործ է հարուցվել, ընթանում է քննություն:
Նախարարը կաթված է ստացել ուղիղ եթերում (տեսանյութ)
Պուտինի վարչակազմի՝ Հայաստանի հարցերով զբաղվող ղեկավարը նոր լիազորություններ կունենա
Հրատապ այց․ ինչո՞ւ է Երևան գալիս ամերիկացի սկանդալային իրավապաշտպանը
«Հայանտառն» ու Գագիկ Խաչատրյանի կինը հաշտություն են կնքել, ապօրինի կառուցված ցանկապատը կքանդվի 35 տա...
«Զգուշացում Ալիևին». ռուսաստանցի լրագրողները նշել են Ադրբեջան-Ուկրաինա գազային միջանցքի վրա հարվածի ...
Մի կուժի պատմություն, կամ ինչպես Ջենիֆեր Լոպեսը «տարավ» «ՆարեկաԾին»-ի կուժը
Ադրբեջանը՝ ԱՄՆ-ի և Իսրայելի աջակցությամբ, փորձում է գործարկել «Մեղրիի ճանապարհը». իրանցի պատգամավոր
Գեներալ-լեյտենատի ուսադիրներ կրող անձը ձգտում է վաղեմության ժամկետը անցնելու հիմքով խուսափել պատիժը ...
Կաշառակերության մեջ մեղադրվող թաղապետը կրկին անցավ աշխատանքի
ՌԴ-ն hարվածել է կոմպրեսորային կայանին, որով Ադրբեջանից գազը մատակարարվել է Ուկրաինա