Աշխարհի ավազոտ լողափերի 50 տոկոսը կարող է անհետանալ
Գիտնականները նախազգուշացնում են՝ եթե մարդկությունը չկրճատի ջերմոցային գազերի արտանետումները, աշխարհի ավազոտ լողափերի 50 տոկոսը կարող է ջրի տակ անցնել կամ ոչնչանալ էրոզիայից։ Դա հսկայական վնաս կհասցնի տնտեսությանը, առաջին հերթին՝ զբոսաշրջությանը, ինչպես նաեւ տարերային աղետների հանդեպ ավելի խոցելի կդարձնի առափնյա շրջանները։ Ամենաշատը կտուժի Ավստրալիան, հայտնում է HighTech+-ը։
Ծովի մակարդակի բարձրանալուց լողափերի մակերեւույթը փոքրանում է։ Նոր հետազոտության համաձայն, եթե մարդկությունը չկրճատի ջերմոցային գազերի արտանետումները եւ չդանդաղեցնի գլոբալ տաքացումը, մինչեւ 2100 թվականը աշխարհը կզրկվի ավազոտ լողափերի կեսից։
Գիտնականների եզրահանգումները հիմնված են արբանյակային լուսանկարների վրա, որոնք արվել են 1984 թվականից։ Պարզելով երեք տասնամյակի միտումները՝ նրանք կանխատեսումներ են արել ապագայի համար։