«Ամուսինս տանը սովորական տղա է»․ Քիմ Քարդաշյանը խոսել է իր ամուսնու մասին (լուսանկարներ)
Ամերիկյան Keeping Up With The Kardashians իրապատում շոուի ամերիկահայ աստղ Քիմ Քարդաշյանն ասել է, որ կուլիսների ետևում նա և իր ամուսին ռեփեր Քանյե Ուեսթը սովորական ամուսնական կյանք են վարում, գրում է Daily Mail-ը։
Stellar magazine ամսագրին տված հարցազրույցի ժամանակ Քիմն ասել է, որ իր 42-ամյա ամուսինն «օրվա վերջում հասարակ տղա է դառնում»։
«Երբ ես նրան տաք «Բրաունի» և պաղպաղակ եմ հյուրասիրում, նա ուրախանում է»,- հավելել է Քիմը։
Մոդելը պատմել է, որ իրենց տանը հեռակառավարման վահանակի համար պայքար տեղի չի ունենում, քանի որ Քանյեն միշտ զիջում է։
«Նույնիսկ եթե նա ցանկանում է ամբողջ գիշեր Rick And Morty-ն դիտել, իսկ ես Dateline-ը, նա ինձ թույլ է տալիս դիտել իմ ուզածը»,- ասել է Քիմը։
Մոդելը նշել է, որ նա և ամուսինը միմյանց հետ ավելի շատ են համագործակցում, քան մարդիկ պատկերացնում են, քանի որ Քանյեն նույնպես իր ներդրումն ունի իր օծանելիքի շարքի հաջողության մեջ։
«Մենք, իրոք, թույլ ենք տալիս միմյանց ուսումնասիրելու մեր ստեղծարար հատկությունները։ Այնքա՜ն հետաքրքիր է նրա հետ աշխատելը։ Ես ամուսնուցս սովորել եմ ասել «ոչ» և պաշտպանել տեսակետս»,- ասել է հեռուստաաստղը:
Քիմը նաև խոսել է ամուսնու՝ քրիստոնեություն ընդունելու մասին և նշել, որ ամուսինն իր քրիստոնեական կյանքին շատ լուրջ է մոտենում և որոշակի փոփոխություներ է արել տանը․ նրա ցուցումով երեխաների սենյակներից հանվել են հեռուստացույցները և Նորթի սենյակից էլ՝ իր դիմահարդարման պարագաները։
Ամուսնու հոգևոր կյանքի վերաբերյալ իր վերաբերմունքի առնչությամբ Քիմն ասել է, որ հարգում է ամուսնու զգացմունքները և այն փոփոխությունները, որ տեղի են ունենում նրա կյանքում։
Ամուսնական զույգը, որին հաճախ անվանում են «Kimye», ամուսնացել է 2014 թվականին Ֆլորենսիայում և 4 երեխա ունի՝ 6-ամյա Նորթը, 3-ամյա Սեյնթը, մեկամյա Չիկագոն և 5 ամսական Փսալմը։
Լեւոն Տեր-Պետրոսյանի արձագանքը հայ-ադրբեջանական հռչակագրի վերաբերյալ
Եթե սահմանված ժամկետից երկար եք մնացել Միացյալ Նահանգներում, ձեզ կարող են արտաքսել․ ԱՄՆ դեսպանատուն
Կարապետյանի առնչությամբ ՀՀ վարչապետի հայտարարությունները լիովին խախտում են ՀՀ Սահմանադրությունը. Ռոբ...
ՀՀ-ի կողմից մեզ փոխանցվել է, որ որևէ ռազմական կցորդներ կամ այլազգի ներկայացուցիչներ սահմանին չեն լին...
Որ դեպքում Պուտինը կառաջադրվի Նոբելյան խաղաղության մրցանակի
Քեսապում հրդեհներ են, իսկ հրշեջ մեքենաներ չկան. հոգեւորականը մանրամասներ է հայտնում
Ինչու է Սոֆի Դևոյանի հարսանիքի կադրերում բացակայում ամուսնու ընտանիքը
Միայնակ, բայց երջանիկ․ Բոնյայի բացահայտումը
Անաիս Սարդարյանը հայտնել է, որ առողջական խնդիրներ ունի
Ճամբարափոխին դաս են տվել