Սամարայում հարբած ելույթ ունենալու պատճառով բարձրացած սկանդալը Բիլանի համար միլիոններ է արժեցել
Երգիչ Դիմա Բիլանը Սամարայում միջոցառումների կազմակերպման եւ նվիրատվությունների համար մոտավորապես յոթ մլն ռուբլի է ծախսել, հայտնում է Super-ը։
Նախօրեին Սամարայում անց է կացվել «Ներիր ինձ, Սամարա» համերգը. Բիլանն այդ կերպ ներողություն է խնդրել քաղաքացիներից քաղաքի օրը տեղի ունեցած միջադեպի համար, որից հետո երգիչն իրեն խոսք է տվել՝ այլեւս ալկոհոլ չօգտագործել։
Նա քաղաքին նաեւ մանկական հրապարակ է նվիրել, ինչպես նաեւ մեկ մլն ռուբլի հատկացրել մանկական հիվանդանոցի համար սարքավորումներ գնելու նպատակով։ Երաժիշտը խոստովանել է, որ արդյունքում յոթ մլն ռուբլի է ծախսել։
Համերգի ընթացքում Դիման հանդիսատեսին կարողացել է ուրախացնել ոչ միայն իր ստեղծագործություններով։ Նա բեմից իջել է երկրպագուների մոտ, լուսանկարվել եւ բոլոր ցանկացողներին ստորագրություններ բաժանել։ Սամարայի բնակիչները գնահատել են անցկացված համերգը, ինչի մասին աստղին անմիջապես հայտնել են Instagram-յան էջի միջոցով։
Սեպտեմբերի սկզբին Սամարայում Բիլանի համերգի հանդիսատեսը նրան քննադատել է բեմում «ոչ ադեկվատ» պահվածքի պատճառով։ Արտիստին մեղադրեցին, որ նա տարօրինակ ձայներ էր արտաբերում վոկալի փոխարեն, չէր կարողանում համապատասխանել ֆոնոգրամային, ինչպես նաեւ անպարկեշտ ժեստեր էր ցուցադրում։ Ավելի քան 500 մարդ պետիցիան են ստորագրել՝ արտիստից հանրային կերպով ներողություն պահանջելով։