Վենետիկի հանձնաժողովի արձանագրությունը գաղտնի չէ. այն տրամադրել է մեր եվրոպացի գործընկերը. Ռուբեն Մելիքյան
Վենետիկի հանձնաժողովի 119-րդ նստաշրջանի արձանագրությունը գաղտնի փաստաթուղթ չէ: Այս մասին NEWS.am-ի հետ զրույցում ասաց «Իրավական ուղի» հասարակական կազմակերպության համահիմնադիր, իրավապաշտպան Ռուբեն Մելիքյանը։
«Վենետիկի հանձնաժողովի 119-րդ նստաշրջանի արձանագրությունը գաղտնի փաստաթուղթ չէ: Այն առկա է Եվրոպայի խորհրդի ներքին ցանցում և հասանելի է եղել սահմանափակ թվով անձանց։ Փաստաթուղթը մեզ տրամադրել է մեր եվրոպացի գործընկերը, և մենք իր համաձայնությամբ ենք հրապարակել այն»,- ասաց նա:
«Փաստաթղթի հրապարակումը հույժ կարևոր է՝ հաշվի առնելով այն հանգամանքը, որ այն վերաբերում է Հայաստանում մեծ հանրային հնչեցություն ունեցող և հանրային հետաքրքրություն ներկայացնող հարցերի, որոնց վերաբերյալ իշխանությունը «այլ» մոտեցումներ է քարոզել»,-հավելեց նա:
Մելիքյանի խոսքով՝ փաստաթղթի թարգմանությունն իրականացվել է իրենց կազմակերպության մասնագետի կողմից, բացի այդ՝ հրապարակել են բնօրինակը, որպեսզի ցանկության դեպքում մարդիկ կարողանան ծանոթանալ փաստաթղթի անգլերեն տարբերակին:
Հիշեցնենք, որ «Իրավական ուղի» հասարակական կազմակերպությունն այսօր առավոտյան սոցցանցում հրապարակել է Վենետիկի հանձնաժողովի 119-րդ նստաշրջանի՝ սահմանափակ հասանելիություն ունեցող արձանագրությունը։
Վենետիկի հանձնաժողովի արձանագրությունում ի թիվս այլ դիտարկումների նշվում է, որ Եվրոպայից ժամանած պատվիրակությանի հետ քննարկումների արդյունքում ՀՀ իշխանություններն ընդունել են, որ գործող դատավորների համընդհանուր վեթինգը ո՛չ անհրաժեշտ է, ո՛չ էլ օգտակար: Բացի այդ, Վենետիկի հանձնաժողովում ողջամիտ չի համարվել Սահմանադրական դատարանի «դատավոր»-«անդամ» ձևակերպումների շուրջ վեճը, իսկ Սահմանադրական դատարանի դատական կազմի հետագա պաշտոնավարումը նախատեսող դրույթը Վենետիկի հանձնաժողովում համարում են «հստակ» և «աներկբա»։
Ճամբարափոխին դաս են տվել
Քեսապում հրդեհներ են, իսկ հրշեջ մեքենաներ չկան. հոգեւորականը մանրամասներ է հայտնում
Անաիս Սարդարյանը հայտնել է, որ առողջական խնդիրներ ունի
Կարապետյանի առնչությամբ ՀՀ վարչապետի հայտարարությունները լիովին խախտում են ՀՀ Սահմանադրությունը. Ռոբ...
Որ դեպքում Պուտինը կառաջադրվի Նոբելյան խաղաղության մրցանակի
ՀՀ-ի կողմից մեզ փոխանցվել է, որ որևէ ռազմական կցորդներ կամ այլազգի ներկայացուցիչներ սահմանին չեն լին...
Ինչու է Սոֆի Դևոյանի հարսանիքի կադրերում բացակայում ամուսնու ընտանիքը
Միայնակ, բայց երջանիկ․ Բոնյայի բացահայտումը
Եթե սահմանված ժամկետից երկար եք մնացել Միացյալ Նահանգներում, ձեզ կարող են արտաքսել․ ԱՄՆ դեսպանատուն
Լեւոն Տեր-Պետրոսյանի արձագանքը հայ-ադրբեջանական հռչակագրի վերաբերյալ