Ինչպես գրում է «Мемориал»-ը, նա մեղավոր է ճանաչվել պետական դավաճանության և պետական գաղտնիք պարունակող տեղեկություններ անօրինական կերպով ստանալու հոդվածներով։
«Առաջին հինգ տարին զինծառայողը պատիժը կանցկացնի բանտում, իսկ մնացածը՝ խիստ ռեժիմի ուղղիչ գաղութում»։
Մեղադրող կողմի պնդմամբ՝ 2023 թվականի սեպտեմբերի 21-ին Ալակաևը մտել է ռազմաքաղաքական աշխատանքային հսկողության կետի հերթապահ սպայի աշխատասենյակ և սեղանին տեսել է «Դեպքի հանգամանքները» վերնագրով փաստաթուղթ։
Փաստաթուղթը նվիրված էր 2023 թվականի սեպտեմբերի 20-ին Լեռնային Ղարաբաղում ռուս խաղաղապահների մահվանը։
Եվգենի Ալակաևը ավելի վաղ ցանկացել էր մեկնել Լեռնային Ղարաբաղ որպես խաղաղապահ, սակայն այնտեղ ուղարկվեց նրա մտերիմ ընկերը և գործընկերը՝ գնդապետ Թագիր-Մուրոդ Կարաևը։
Սեպտեմբերի 20-ին նա զոհվեց այլ ռուսաստանցի զինծառայողների հետ միասին։
Եվգենի Ալակաևն արդեն գիտեր տեղի ունեցածի մասին և չափազանց ցնցված էր դրանից։ Ալակաևը վերցնում է փաստաթուղթը, կարդում և առաջին էջը լուսանկարում բջջային հեռախոսով։ Ավելի ուշ Ալակաևը փաստաթղթի լուսանկարն ուղարկում է հարազատ մորը՝ Լյուբով Ալակաևային։
Հետաքննության վարկածով՝ փաստաթուղթը դասակարգված էր որպես խիստ գաղտնի, ինչի մասին վկայում էր փաստաթղթի վերին աջ անկյունում դրված համապատասխան մակագիր-կնիքը։
Փաստաթուղթը գաղտնիացվել էր, քանի որ «խաղաղ ժամանակ հատուկ գործողությունների ընթացքում կորուստների» մասին տեղեկություններ էր պարունակում։
Եվգենի Ալակաևի վարկածով՝ փաստաթղթի վրա ոչ մի մակագիր չի եղել, և ինքը դրա գաղտնի բովանդակության մասին տեղյակ չի եղել։ Նա պարզապես լուսանկարն ուղարկել է մորը՝ մտերիմ ընկերոջ մահվան առնչությամբ իր ապրումները նրան հաղորդակից դարձնելու համար։ Ալակաևի համոզմամբ՝ ինքն էլ «կարող էր նրանց վիճակում հայտնվել»։
Մեղադրանքի համար պատճառ է դարձել նաև մեկ այլ անձի՝ Ալակաևի ծանոթի՝ Ռուսաստանի քաղաքացի, Ուկրաինայի հունա-կաթոլիկ եկեղեցու քահանա և սրբանկարիչ Կոնստանտին Միրոնովին՝ նույն փաստաթղթի լուսանկարն ուղարկելու փաստը։
Պետական գաղտնիք պարունակող տեղեկության տարբերակիչ առանձնահատկությունն այն է, որ օրենքը սահմանում է դրա անվտանգությունը, այսինքն՝ նման տեղեկության նկատմամբ կիրառում է դրան չարտոնված հասանելիությունը կանխելուն միտված մի շարք միջոցառումներ։
Միևնույն ժամանակ, նախքան Ալակաևին գաղտնի փաստաթղթին ծանոթանալը, լրատվամիջոցներում հրապարակվել են տեղեկություններ Լեռնային Ղարաբաղում ռուս խաղաղապահների մահվան հանգամանքների և մահացածներից մեկի անձնական տվյալների մասին, որոնք փորձագետները դասակարգել են իբրև պետական գաղտնիք։ Կասկածելի է թվում նաև, որ Լեռնային Ղարաբաղում ռուս խաղաղապահների շարքերում կորուստների մասին լրատվամիջոցներում արդեն տարածված տեղեկությունը կարող է վնաս պատճառել Ռուսաստանի Դաշնության անվտանգությանը», -գրում է « Мемориал»-ը։
Կորցրած գումարներ՝ ուշացող արդարություն
Նոր կանոններ Yandex Go-ի վարորդների և ծառայությունից օգտվող քաղաքացիների համար
Ո՞վ է Ջեյմս Դեյվիդ Վենսի կինը, ԱՄՆ երկրորդ լեդին
Ասում են՝ մենք էլ մտնենք ԹՐԻՓՓ, անեիք, 100 տարի է այստեղ եք. Ալեն Սիմոնյանը՝ ՌԴ պաշտոնյաներին
Որ կանայք են հայտնվել ՔՊ ցուցակի առաջին 50 հորիզոնականներում
CPS-ի հերթական բենզալցակայանի գործունեությունը կասեցվել է․ հայտնաբերվել է թերլիցքավորում
Հակոբ Մովսեսի լիազորությունները չեն դադարեցվել. Տիգրան Հակոբյան
27-ամյա երիտասարդի մեքենայում խոշոր չափի թմրամիջոց է հայտնաբերվել. Երևանի քրեական ոստիկանների բացահա...
ԵՄ-ն զիջումներ է ուզում Մոսկվայից, այլ ոչ թե Կիևից․ Կայա Կալաս
Ավիահարվածներով և պատերազմով Իրանում ռեժիմի փոփոխություն չի լինի