Այսքան թափթփուկ որտեղի՞ց մեր մեջ

նիկոլի սիրելի հրատարակիչ Արմեն Մարտիրոսյանը մի հրեշավոր գրառում արեց, ապա ջնջեց, բախվելով էլիտայի արձագանքին: Իսկ նրա գրառումը հրեշային էր, սահմռկեցուցիչ, դավաճանական, տականքային: Հիմա հասկանո՞ւմ եք, թե ինչու է նա նիկոլի՝ ժեխերի առաջնորդի սիրելին:

Արմեն Մարտիրոսյանը գրել էր, թե մենք մտել ենք ուրիշի տարածք, տներ կառուցել, հանքեր շահագործել, իսկ հիմա նեղվում ենք, որ «տանտերը» մեզ ասում է հեռացեք: Այս տականքության հեղինակը վաղն էլ կարող է գրել. «Մտել են այլ երկրի տարածք, խրամատներ փորել, դիրքավորվել, տանտերը եկել սպանել է, քշել, սրանք նեղվում են»:

Տականք Արմեն Մարտիրոսյան, քո գրածը սա է: Դու արդարացնում ես մեր տղերքի սպանությունը: Դու արդարացնում ես թշնամուն: Ահա թե ինչու ես նիկոլի սիրելին:

Դու անուղեղ ես ու չես հասկանում, որ պետական սահման, հաստատված պետական սահման Հայաստանի եւ Ադրբեջանի միջեւ չի կարող լինել, քանի որ մենք միմյանց հետ դիվանագիտական հարաբերություններ չենք հաստատել, եւ սահմանների դեմարկացիա էլ պետական հանձնաժողովներով չենք արել:

Բայց դու նիկոլի սիրելին ես եւ քո համար մեր զոհերը զրոյական նշանակություն ունեն, մեր տարածքային կորուստները զրոյական նշանակություն ունեն: Քո համար կարեւորն անձնական բարեկեցությունն է:

Դու նիկոլի անփառունակ իշխանության ընդամենը երկու եւ կես տարվա ընթացքում օգտվել ես պետական բյուջեից, օգտվել ես այն հարկատուների գումարներից, որոնց երեխաները վիրավորվեցին եւ զոհվեցին: 

«Հայաստանի վերափոխման ռազմավարություն 2050»-ի գովազդային արշավն իրականացնելու համար պետբյուջեի հաշվին քո «Անտարես» հրատարակչությունը նիկոլի աշխատակազմի հետ կնքել է 21 միլիոն 500 հազար դրամի պայմանագիր։

2019 թվականի հոկտեմբերի 10-ի նիստի չզեկուցվող հարցերից մեկով էլ 48 մլն 900 հազար դրամ էր հատկացվել Հայաստանի վարչապետի աշխատակազմին՝ «Հայաստանի վերափոխման ռազմավարություն 2050»-ի տեսլականի ուղերձները հանրությանը ներկայացնելու եւ պատշաճ ձեւով հաղորդակցվելու նպատակով ցուցապաստառների տպագրության, գովազդային ծառայությունների ձեռքբերման համար։ Մեկ անձից գնումն իրականացրել էր դարձյալ քո «Անտարես» հրատարակչությունը։

Դու, թուրքերի եւ ադրբեջանցիների շահերի սպասարկու տականք, կառավարության հոկտեմբերի 10-ի որոշմամբ 48.900.000 ՀՀ դրամի հետ միասին ստացել ես 136 միլիոն 217 հազար 862 ՀՀ դրամ։

Ու ամենակարեւորը, դու երբեք խաղաղությունը չնույնացնես ստորաքարշության հետ: Դու քեզ ներկայացնում էիր որպես խաղաղության կողմնակից, բայց դու պարզապես անվերապահ կապիտուլիացիայի ամենասովորական կողմնակիցն ես եղել:

Ի դեպ, դու շատ շուտով օրենքի առաջ, օրենքի եւ ոչ ժողովրդի, պատասխան ես տալու նիկոլի կառավարության հետ սիրային արկածներիդ համար: Պատասխան ես տալու ամենայն խստությամբ: 

Քո նման տականքներն իրավունք չունեն կանգնել մեր երեխաների արյան վրա: Թույլ չենք տալու: Հուսով եմ հասկացար:

Գեղամ Նազարյան

Top-News.am