Իրանի նախագահի մամուլի խոսնակ. Իրանը հանդես է գալիս Հայաստանի եւ Ադրբեջանի միջեւ խաղաղության օգտին
Իրանը ողջունում է ցանկացած քայլ՝ ուղղված Հայաստանի եւ Ադրբեջանի միջեւ հակամարտության կարգավորմանն ու Լեռնային Ղարաբաղում մարտական գործողությունների ընթացքում արնահեղության դադարեցմանը: Այս մասին հայտարարել է Իրանի նախագահի մամուլի խոսնակ Ալի Ռաբին, հաղորդում է Tasnim-ը:
Ռաբին նշել է, որ Իրանը ողջունում է հակամարտող կողմերի միջեւ կրակի դադարեցումը. «Ինչպես բազմիցս հայտարարել ենք, մենք ողջունում ենք ցանակցած նախաձեռնություն, որը կարող է կանգնեցնել պատերազմը, հրադադարի ռեժիմ հաստատել եւ կանխել մարդկանց սպանությունները»:
«Իրանի կառավարությունը մտահոգություն է հայտնում եւ ցավում է խաղաղ բնակիչների շրջանում զոհերի համար: Շեշտում եմ նման միջադեպերի կրկնությունից խուսափելու անհրաժեշտությունը այս պահին, երբ տարածաշրջանն ու տարածաշրջանի երկրների ժողովուրդները խաղաղության եւ հանգստության կարիք ունեն առավել, քան երբեւէ»,-նշել է նա:
Նա հիշեցրել է իրանցի պաշտոնական անձանց եւ հակամարտող կողմերի բարձրաստիճան անձանց միջեւ խորհրդակցությունների մասին:
«Մարտական գործողությունների սկզբից եւ Իրանի նախագահի եւ արտաքին գործերի նախարարի եւ նրանց գործընկերների հետ բանակցությունների ընթացքում մենք հայտնել ենք մեր տեսակետն ու ջանքեր գործադրել: Մենք բանակցություններ ենք վարել տարածաշրջանի այլ երկրների պաշտոնական անձանց հետ: Մենք հայտնել ենք միջնորդելու մեր պատրաստակամության մասին: Տա Աստված, որ Իրանի մարդասիրական ջանքերը պտուղ տան: Մենք տարածաշրջանի այն քիչ խաղացողներից ենք, որոնք լավ հարաբերություններ ունեն բոլորի հետ, ներառյալ հակամարտող կողմերին կան առանցքային երկրներին: Մենք լավ երկկողմ հարաբերություններ ունենք նաեւ այդ երկրների հետ»,-հավելել է Ռաբին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել