Սիրիացի զինյալ. երբ մենք կռվում ենք, մեզ հետ ադրբեջանցիներ կամ թուրքեր չկան
Երբ մենք կռվում ենք, մեզ հետ ադրբեջանցիներ կամ թուրքեր չկան՝ հայտարարել է սիրիացի զինյալներից մեկը, ով մասնակցել է Արցախի դեմ ագրեսիային: Այս մասին գրում է լրագրող Լինդսի Սնելը, ով առաջիններից էր, որ հայտնեց Թուրքիայի կողմից սիրիացի զինյալներին Ադրբեջան ուղարկելու մասին:
«Սեպտեմբերի 22-ին Սիրիայի ազգային բանակում աղբյուրներից մի քանի հաղորդագրություն ստացա այն մասին, որ բանակի զինյալների առաջին խումբը մեկնել է Ադրբեջան: Դրանից մի քանի ամիս առաջ Սիրիայի ազգային բանակում խոսակցություններ էին պտտվում այն մասին, որ Թուրքիան զինյալների է ուղարկում Ադրբեջան»,-գրում է Սնելը:
«Տղամարդկանց տարել են Թուրքիա, ստիպել սափրել մորուքը, քաղաքացիական հագուստ հագնել, ապա ճանապարհել են»,-ասում է Աֆրինում Համզայի ջոկատի զինյալը:
Մի քանի օր անց հաղորդագրություններ հայտնվեցին այն մասին, որ մարտի դաշտում զոհվածների թվում սիրիացիներ կան:
«Նրանք մեզ խաբեցին: Նրանք ասացին, որ մենք գնում ենք՝ հսկելու թուրքական բազան: Ապա մենք հայտնեցինք այնտեղ, եւ միանգամից մարտը սկսվեց: Նման մարտ ես չէի տեսել, կարծես կինո լիներ…պարբերաբար ռմբակոծում էին…Մարդիկ էին մահանում, նրանք կտոր-կտոր էին լինում»,-հավելում է զինյալը:
«Կա 35 մարդ, որոնց մասին մենք ոչինչ չգիտեն: Երբ մենք կռվում ենք, մեզ հետ ադրբեջանցիներ կամ թուրքեր չկան: Մեզնից շատերը ցանկանում են վերադառնալ Սիրիա, սակայն նրանք մեզ վրա են պահում զենքն ու ստիպում մնալ եւ շարունակել պատերազմը»,-ասում է մյուս զինյալը:
Սնելը նշում է, որ Թուրքիան արդեն զինյալների է ուղարկել Լիբիա:
«Սիրիայի ազգային բանակում ինչքան քիչ մարդ գիտեր Լիբիայի մասին նախքան այնտեղ կռվելու մեկնելը, Ադրբեջանի մասին եւս քիչ գիտեին: Բանակի ֆրակցիաները բացառապես սունիներ են: Ադրբեջանում մեծ մասը շիա իսլամ են դավանում, ինչի մասին սկզբում գիտեին շատ քիչ սիրիացի զինյալներ: Մենք չենք կարող կողք կողքի կռվել շիաների հետ: Շիաները մեր թշնամիներն են ավելի շատ, քան քրիստոնյաներն ու հրեաները»,-ասում է զինյալներից մեկը:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...