Արսեն Թորոսյանը շարունակում է ծաղրել ՀՀ քաղաքացիներին

Գնահատում եմ պայքարի արդյունավետությունը. Առողջապահական համակարգն արել է իր առավելագույնը՝ նման ցուցանիշներ ցույց տալու համար: Այս մասին այսօր՝ սեպտեմբերի 21-ին, լրագրողների հետ զրույցում նշել է առողջապահության նախարար Արսեն Թորոսյանը՝ հավելելով, որ առողջապահության ոլորտի մասով պայքարը կորոնավիրուսի դեմ միանշանակ հաջողված է:

«Բայց դա միայն մեր ոլորտի խնդիրը չէ, այլ ամբողջ ազգաբնակչության, բայց եկեք գոնե այսօր դրա մասին չխոսենք, այսօր տոն է»,-ասաց նա:

Հարցին, թե արձակուրդից վերադառնալո՞ւ է աշխատանքի, նախարարը պատասխանեց. «Իհարկե վերադառնում եմ»:

Հիշեցնենք, որ կորոնավիրուսով վարակվելու դեպքերը վերջին օրերին Հայաստանում աճել են։ Հայաստանում սեպտեմբերի 21-ին՝ վարակվածների ընդհանուր թիվը հասել է 47552 դեպքի: Մեկ օրում կորոնավիրուսի հետեւանքով մահացել է 6 քաղաքացի, մահացածների թիվը 936 է:

Մեկ միլիոն մարդու հաշվով վարակվածների թվով Հայաստանն աշխարհում այս պահին 17–րդն է, մահերի թվով՝ 22–րդը։