Ադրբեջանցի «օրենքով գող» Լոտու Գուլիին սպանած անձը ցուցմունք է տվել թուրքական ոստիկանական բաժանմունքում
Թուրքիայում Ադրբեջանի գլխավոր քրեական հեղինակություն Նադիր Սալիֆովի (մականունը՝ Լոտու Գուլի) սպանության համար մեղադրվող քրեական հեղինակություններ 25-ամյա Խան Ահմեդլինսկին (Խագան Զեյնալով) և 26-ամյա Ամիր Ահմեդլին ցուցմունք են տվել թուրքական ոստիկանական բաժանմունքում, գրում է Hurriyet-ը:
Տարածվել է Խան Ահմեդլինսկիի առաջին հայտարարությունը: Նրա խոսքով՝ նա և Նադիր Սալիֆովը միասին են մեծացել:
«Նա ինձ ընդհանրապես դուր չէր գալիս: Մենք ապրել ու մեծացել ենք միասին: Ես ապահովել եմ նրա անվտանգությունը, տարիներ շարունակ դիմացել նրան: Ես կատարել եմ այդ աշխատանքը, չնայած նա ինձ դուր չէր գալիս: Ահա թե ինչու սպանեցի նրան»,- ասել է նա:
Նա հավելել է, որ սպանության պահին Ամիր Ահմեդլին սպասել է իրեն մեքենայում:
Ինչպես ավելի վաղ հաղորդել էր Tert.am-ը, թուրքական Անթալիայում մահափորձի հետևանքով սպանվել է Ադրբեջանի գլխավոր քրեական հեղինակություն Նադիր Սալիֆովը, որն առավել հայտնի է որպես Լոտու Գուլի։
Կրակոցի հետևանքով ծանր վիրավորում ստացած Սալիֆովին տեղափոխել են քաղաքային հիվանդանոցի վերակենդանացման բաժանմունք, սակայն բժիշկներին չի հաջողվել փրկել նրա կյանքը։
Թուրքական լրատվամիջոցների համաձայն՝ Սալիֆովի վրա կրակել է «Խան Ահմեդլինսկիյ» մականունով ադրբեջանցի մեկ այլ քրեական հեղինակություն։
Թուրքական ոստիկանությունը չարագործին ձերբակալել է Անթալիա-Դենիզլի մայրուղու վրա։
Նշվում է, որ Սալիֆովի դեմ նախկինում նույնպես իրականացվել են մահափորձեր․ այս տարվա փետրվարին Ստամբուլի ոստիկանությունը 17 մարդու էր ձերբակալել, որոնք ադրբեջանցի հայտնի «օրենքով գողի» դեմ մահափորձ էին պատրաստում։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է