Ախալքալաքում փորձել են պայթեցնել Վրաստանի խորհրդարանի պատգամավորի` Հենզել Մկոյանի եղբոր ավտոմեքենան
Ախալքալաքում (Սամցխե-Ջավախքի շրջան) անհայտ անձինք փորձել են պայթեցնել իշխող «Վրացական երազանք» կուսակցության խորհրդարանի սկանդալային հայտնի պատգամավոր Հենզել Մկոյանի եղբոր՝ Մարտուն Մկոյանի ավտոմեքենան: Այս մասին հաղորդել է «Մտավարի» հեռուստաալիքը:
Քաղաքական գործիչը պնդում է, որ իր ընտանիքի անդամի համար դարան են սարքել: Մկոյանի խոսքով, պայթուցիկ սարքը գործի է դրվել հեռակառավարմամբ: Պատգամավորի եղբայրը որևէ վնասվածք չի ստացել: Պայթյունից հետո որոշ ժամանակ նրա լսողությունը խանգարվել է:
«Պայթյունի ձայնն այնքան բարձր է եղել, որ բազմահարկ շենքի բոլոր բնակիչները վախից դուրս են եկել փողոց: Այն լսվել է նույնիսկ քաղաքի կենտրոնում»,- ասել է Մկոյանը Ջավախքի տեղեկատվական կենտրոնին տված հարցազրույցում:
Մկոյանը չի բացառում, որ մահափորձը կարող է կապված լինել առաջիկա խորհրդարանական ընտրությունների հետ: Նա նաև հիշեցրել է, որ որոշ ժամանակ առաջ նա սպառնալիքներ և խոշոր գումար փոխանցելու պահանջներ է ստացել: Մկոյանը կարծում է, որ քննչական մարմինները պատշաճ ուշադրություն չեն դարձնում նրա հայտարարություններին:
Օգոստոսի 10-ին Հենզել Մկոյանի փաստաբանը հաղորդել է, որ անհայտ անձինք զանգահարել են քաղաքական գործչին Facebook-ի մեսենջերի միջոցով: Նշվում է, որ նրանք խոսել են ռուսերեն՝ «կովկասյան շեշտադրմամբ»:
Չարագործները պահանջել են, որ Մկոյանը հեռանա քաղաքականությունից: Հակառակ դեպքում նրանք սպառնացել են սպանել նրա ընտանիքի անդամին: Չորս օր անց անհայտ անձինք նորից են զանգահարել Մկոյանին՝ այս անգամ 5 միլիոն դոլար կոնկրետ հաշվին փոխանցելու պահանջով: Հրաժարվելու դեպքում նրանք սպառնացել են սպանել Մկոյանին:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է