Ադրբեջանի ԱԳՆ-ում բարձրաստիճան պաշտոնյաների ձերբակալություններ են սպասվում
Այս տարվա մարտի 3-ին և 10-ին Ադրբեջանի արտգործնախարարությունում երկրի պետանվտանգության ծառայության կողմից իրականացված հակակոռուպցիոն ձերբակալությունների մասշտաբներն աճում են: ԱԳՆ վարչություններից մեկի ղեկավար Ֆարհադ Մոլազադեի և ԱԳՆ հյուպատոսական վարչության ղեկավար Ֆաիգ Բագիրովի ձերբակալություններից հետո սպասվում է, որ քննությանը կներգրավվեն նաև այլ բարձրաստիճան պաշտոնյաներ և փոխնախարարներ:
Minval.az կայքին նոր փաստեր են հայտնի դարձել, որոնք պարզվել են ԱԳՆ-ում տեղի ունեցած ձերբակալություններից հետո հարուցված քրեական գործի շրջանակում: Քննությունը հայտնաբերել է ֆինանսատնտեսական խախտումներ ինչպես նախարարությունում, այնպես էլ տարբեր երկրներում Ադրբեջանի դեսպանատներում, հյուպատոսարաններում և մշտական ներկայացուցչություններում:
Ներկա դրությամբ երկրի ֆինանսների նախարարությունը ստուգումներ է անցկացնում զանգվածային յուրացումների հետ կապված՝ ֆինանսական խախտումների հստակ ծավալը պարզելու համար: Ստուգումների նախնական տվյալների համաձայն` յուրացվել են միլիոնավոր մանաթներ: Սրա հետ կապված՝ առաջիկա օրերին քննությանը կներգրավվեն որոշ դիվանագետներ: Սպասվում են նաև աղմկոտ ձերբակալություններ:
Երեկ երկու փոխարտգործնախարարներ` Ռամիզ Հասանովը և Նադիր Հուսեյնովը, կանչվել էին Պետանվտանգության ծառայություն և երկար ժամանակ հարցաքննվել ԱԳՆ-ում տեղի ունեցած խախտումների առնչությամբ: Հետաքննության արդյունքներով` մոտ օրերս սպասվում են ձերբակալություններ ԱԳՆ բարձրաստիճան ղեկավար կազմում:
Միևնույն ժամանակ, Հասանովը հերքել է այս տեղեկությունը: Նա նույնիսկ հայտարարել է, իբր «ամբողջապես այլ ոլորտ է ղեկավարում» և «ոչ մի կերպ կապված չէ ձերբակալված անձանց հետ»: Սակայն նախարարության պաշտոնական էջում տեղեկություններ կան Հասանովի և Հուսեյնովի ղեկավարած ոլորտների վերաբերյալ:
Հասանովի եղբայրը Վրաստանում Ադրբեջանի դեսպանն է, իսկ փեսան` Բրազիլիայում:
Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ
ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան
Ալիևը պաշտոնական այցով ժամանել է Թուրքիա
Ադրբեջանն ու Ղազախստանը համատեղ վարժանքներ կանցկացնեն
«Ռոյթերզ». «Մոսկվան լարվածություն է բորբոքել հօգուտ Ադրբեջանի»
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Ստեփանծմինդա-Լարս ավտոճանապարհը փակ է