Մի շարք բարձրաստիճան ոստիկաններ լքել են իրենց պաշտոնները

Shamshyan.com-ի տեղեկություններով՝ այսօր՝ հուլիսի 16-ին, ՀՀ ոստիկանության պետ, ոստիկանության գնդապետ Վահե Ղազարյանի հրամաններով մի շարք կադրային փոփոխություններ են տեղի ունեցել ոստիկանության տարածքային բաժիններում։

ՀՀ ոստիկանապետի հրամանով Արամ Ղարիբյանն ազատվել է Գյումրի քաղաքի ոստիկանության Մուշի բաժնի պետի պաշտոնից եւ ՀՀ ոստիկանապետի մեկ այլ հրամանով նշանակվել Գյումրի քաղաքի ոստիկանության Կումայրիի բաժնի պետ։

Վ. Ղազարյանի մեկ այլ հրամանով Արթուր Հակոբյանն ազատվել է Կումայրիի բաժնի պետի պաշտոնից եւ նշանակվել ոստիկանության Մուշի բաժնի պետ։

Վ. Ղազարյանի մեկ այլ հրամանով ոստիկանության Արթիկի բաժնի պետ Մինո Մխիթարյանն ազատվել է զբաղեցրած պաշտոնից եւ ուղարկվել կադրերի ռեզերվ, իսկ Հ. Մանուկյանն ազատվել է ոստիկանության Ախուրյանի բաժնի պետի օպերգծով տեղակալի պաշտոնից եւ նշանակվել ոստիկանության Արթիկի բաժնի պետ։

Վ. Ղազարյանի մեկ այլ հրամանով ոստիկանության Ամասիայի բաժնի պետ Արթուր Բդոյանն ազատվել է զբաղեցրած պաշտոնից եւ նշանակվել ոստիկանության Ախուրյանի բաժնի պետ։

Վ. Ղազարյանի մեկ այլ հրամանով Դավիթ Ասքանազյանն ազատվել է ոստիկանության Անիի բաժնի պետի պաշտոնից եւ նշանակվել ոստիկանության Ամասիայի բաժնի պետ։

ՀՀ ոստիկանապետի մեկ այլ հրամանով ոստիկանության Կապանի բաժնի պետ է նշանակվել Սենիկ Երանոսյանը, ով ՀՀ ոստիկանապետի մեկ այլ հրամանով ազատվել է ոստիկանության Սիսիանի բաժնի պետի պաշտոնից։

Վ. Ղազարյանի մեկ այլ հրամանով Կարեն Թադեւոսյանն ազատվել է ոստիկանության Գորիսի բաժնի պետի պաշտոնից, նրա փոխարեն ՀՀ ոստիկանապետի հրամանով Գորիսի ոստիկանության բաժնի պետ է նշանակվել Սերգո Մարկոսյանը, ով Վ. Ղազարյանի մեկ այլ հրամանով ազատվել է ոստիկանության Հրազդանի բաժնի պետի օպերգծով տեղակալի պաշտոնից։

ՀՀ ոստիկանապետի մեկ այլ հրամանով Մխիթար Մանուչարյանն ազատվել է ոստիկանության Քաջարանի բաժանմունքի պետի պաշտոնից եւ նրա փոխարեն նշանակվել է Կարեն Հովսեփյանը։