Լրջացեք, բանակը անդադար չի կարող սվաղել մեր սխալները
Որքան հեշտ է նստել համակարգչի առջեւ, մի ապահով տեղ, ցանկալի է արտերկրում, կամ անգամ չնստել, այլ պառկել բազմոցին, վերցնել հեռախոսը եւ կոչ անել գրավել նորանոր հենակետեր, անգամ Գյանջան եւ Բաքուն: Իսկապես, հեշտ է եւ անվտանգ: Ոչ կռվողն ես դու, ոչ քո որդին կամ հայրը: Կռվում են այլոք, որոնց անգամ կարելի է ոգեւորել, իսկ երբ զոհվեն, անպայման տարածել նրանց լուսանկարները եւ շնորհակալություն հայտնել:
Եւ որեւէ մեկը նրանց փոխարեն Կանադայից, Ռուսաստանից, ԱՄՆ-ից, Բելգիայից իրենց որդիներին չեն բերելու Հայաստան եւ չեն տանելու մարտական դիրքեր: Բայց դա նրանց չի խանգարում հայրենասիրության դասեր տալ եւ կոչ անել գրոհի անցնել եւ վերցնել Նախիջեւանը:
Մի քանի օր է, մեղմ ասած, լարված է Տավուշում: Մարտեր են ընթանում: Զոհվում են, վիրավորվում: Այնտեղ, սահմանի մոտ բնակավայրեր կան, որտեղ ապրում են կանայք, տղամարդիկ, երեխաներ: Նրանք հետո էլ են այնտեղ ապրելու, բայց «հայրենասերներին» դա չի հետաքրքրում, իրենց «կռիվ կինո» է պետք:
Ո՞ւր են «հերոս հայրենասերները», որոնք կոչ էին անում Բաքուն գրավել, ո՞ւր է նա, ով որդիներին տեղավորել է Կանադայում եւ կոչ է անում գրավել Նախիջեւանը: Ո՞ւր եք դուք: Եւ կրկին անգամ ստացվեց, որ թշնամու դեմ մնում է մեր բանակը, իրական զինվորներով եւ նրանց թիկունքին կանգնած գյուղերն ու քաղաքները:
Մի պահ դադարելու են մարտական գործողությունները: Նորից խաղաղություն է հաստատվելու, բայց զոհված տղերքին որեւէ մեկը չի փոխարինելու, որեւէ մեկը չի գնալու եւ նրանց փոխարեն ապրի: Ցանկացած հայրենասիրական գրառում անելուց առաջ մտածեք կոնկրետ մարդկանց, կոնկրետ զինվորների, կոնկրետ բնակավայրերի մասին:
Ի վերջո չի կարելի անլուրջ լինել կամ ամենուրեք անլրջություն տարածել: Չի կարելի թշնամու հրետակոծությանը պատասխանել ոտանավոր արտասանելով, կամ երեխայիդ պարի կադրերը տարածելով, կամ կնոջդ տարօրինակ հագուստով լուսանկարելով եւ անհասկանալի խաղասիրական կոչեր անել, երբ դու երկրի թիվ մեկ պաշտոնյան ես:
Շատ բան չի կարելի: Չի կարելի, որ պատգամավորները դիրքերից լուսանկար հրապարակեն, չի կարելի, որ ... Շատ բան չի կարելի: Լրջացեք: Բանակը անդադար չի կարող սվաղել եւ հարթել մեր անլուրջ պահվածքը:
Վարդան Մխիթարյան
Top-News.am
Իրանը կմասնակցի ԱՄՆ-ի հետ բանակցությունների երկրորդ փուլին
Սերժ Սարգսյանի և ՓԲԸ-ի միջև կնքված հողամասի առուվաճառքի գործարքը ճանաչվել է անվավեր. կբռնագանձվի 78....
Ռուսական ԱԹՍ հարվածից վիրավորվել է Ուկրաինայի պաշտպանության նախարարի խորհրդականը
Ուկրաինական անօդաչու թռչող սարքերը կրկին հարվածել են Տուապսեի նավահանգստին
Պարտադիր ժամկետային ծառայության համար ոչ պիտանի ճանաչված անձը հետազոտություն է անցել զինծառայություն...
Իսրայելի ԱԳ նախարարը ներողություն է խնդրել քրիստոնյաներից իսրայելցի զինվորի կողմից Հիսուս Քրիստոսի ա...
Թրամփի ընկերությունը նախատեսում է Թբիլիսիում կառուցել Թրամփի աշտարակ
Առևտրային նավի վրա հարձակումը բացահայտ ագրեսիա է. Իրանի ԱԳՆ
Երևան-Գյումրի ավտոերթին ժամը 9:30-10:00-ի միջակայքում մասնակցել է 1230 մեքենա. ԻՔՄ
Ղարաբաղից տեղահանվածների բնակապահովման ծրագրում փոփոխություններ կկատարվեն. նախարարը՝ նոր կարգավորում...