Բուժաշխատողների վարձատրությունը կարող է նվազել. Արսեն Թորոսյան

«Առողջապահական համակարգը իր լավ օրերը չի ապրում»,- այսօր հայտարարել է ՀՀ առողջապահության նախարար Արսեն Թորոսյանը։

«Շատ լարված է աշխատում թե ժամանակի առումով, թե վտանգների առումով, թե ծավալների առումով, սակայն առնվազն կորոնավիրուսային գործի բուժման մեջ ներգրավված բուժհաստատություններին ցուցաբերվում է իրենց աշխատանքին պատշաճ վերաբերմունք՝ ֆինանսական տեսանկյունից, աշխատանքային պայմանների բավարարման տեսանկյունից, ինչպես նաև առողջապահական այլ պետական ծրագրերի մասով որևէ կրճատում կամ դանդաղում չկա»,- հայտնեց նախարարը։

«Այլ է խնդիրը բժշկական վճարովի ծառայությունների մասով, որովհետև ինչպես տնտեսության մյուս ճյուղերում, այնպես էլ առողջապահությունում կա անկում, այդ մասով, ինչը կարող է բերել բուժաշխատողների վարձատրության անկման, բուժհաստատությունների ֆինանսական կայունության խաթարման: Մենք պետք է փորձենք այս ծանր շրջանն անցնել հնարավորինս քիչ կորուստներով և, հատկապես, հնարավորինս քիչ մարդկային կորուստներով»,-ընդգծեց նախարարը։