Վենետիկը փրկեց Արմեն Սարգսյանին

«Հրապարակ» թերթը գրում է. «Վենետիկի հանձնաժողովն այս անգամ նախագահ Արմեն Սարգսյանին կփրկի հերթական խայտառակությունից։ Հունիսի 3-ին ԱԺ-ն ընդունեց Հանրաքվեն չեղարկելու հնարավորության մասին նախագիծը, որը բազում իրավաբանների կողմից որակվեց որպես հակասահմանադրական։

Արդեն 15 օր է անցել, բայց նախագահ Արմեն Սարգսյանը չի ստորագրել այդ օրենքը ու թեպետ ունի 21-օրյա ժամկետ, սակայն, ըստ տեղեկությունների, սպասում էր Վենետիկի հանձնաժողովի եզրակացությանը։ Ինչպես հայտնի է, ՀՀ իշխանությունները ՍԴ-ի «ճգնաժամը» լուծելու համար մի քանի հարցերի վերաբերյալ դիմում են գրել Վենետիկի հանձնաժողովին, դրանցից մեկն էլ հանրաքվեն ԱԺում չեղարկելու հնարավորության մասին է։

Մեր աղբյուրների փոխանցմամբ, հանձնաժողովի կարծիքն այս հարցում դրական է, եւ այդ պատասխանը հիմնավորել են կորոնավիրուսի պանդեմիայով։ Այսինքն, Արմեն Սարգսյանն այս անգամ, ստորագրելիս, գոնե արդարանալու տեղ կունենա եւ հերթական անգամ ստիպված չի լինի Փաշինյանից պարտադրված որոշում կայացնել»:

Մանրամասները՝ թերթի այսօրվա համարում